सोलापूर : ऍड राजेश कांबळे खून खटल्यातील विशेष सरकारी वकील ज्येष्ठ विधिज्ञ पद्मश्री एडवोकेट उज्वल निकम हे सोलापूर न्यायालयात सुनावणीसाठी आले होते, दरम्यान सोलापूर जिल्हा परिषद सदस्य संघटनेच्यावतीने उज्वल निकम यांना जिल्हा परिषदेमध्ये निमंत्रित करण्यात आले होते. जिल्हा परिषदेच्या यशवंतराव चव्हाण सभागृहात यांचा संघटनेच्या वतीने सत्कार करण्यात आला यावेळी मुख्य कार्यकारी अधिकारी दिलीप स्वामी उपाध्यक्ष दिलीप चव्हाण, राम जगदाळे, कृषी सभापती अनिल मोटे, विरोधी पक्षनेते काका साठे, सदस्य सचिन देशमुख, वसंतराव देशमुख,भारत शिंदे , महेश कोठे, उपमुख्य कार्यकारी अधिकारी चंचल पाटील,मुख्य वित्त व लेखा अधिकारी अजयसिंह पवार, सभापती रजनी भडकुबे, सोनाली कडते, सदस्य स्वाती कांबळे,रेखा राऊत, सुनंदा फुले,आनंद तानवडे, अतुल खरात यांची उपस्थिती होती.
याठिकाणी विविध जिल्हा परिषद सदस्यांनी जिल्हा परिषद सदस्यांचा कार्यकाळ संपल्यानंतर प्रशासन आणण्याऐवजी याच सदस्यांना मुदत वाढ मिळावी यासाठी न्यायालयात याचिका दाखल करण्यात आली आहे त्यावर एडवोकेट निकम यांनी सल्ला द्यावा अशी मागणी करण्यात आली होती.
उपस्थितांना मार्गदर्शन करताना एडवोकेट निकम यांनी सांगितले की, राज्यभरातून जिल्हा परिषद आणि महानगरपालिका सदस्यांना मुदतवाढ देण्याचा हा विषय पुढे येत आहे मात्र न्यायालयात याचिका दाखल असल्याने यावर मला जास्त बोलता येणार नाही. मुदतवाढ देण्यासाठी न्यायालयासमोर योग्य पद्धतीने मांडणी आवश्यक आहे,ओबीसी आरक्षणाच्या मुद्द्यावर लक्ष वेधणे गरजेचे आहे असं सांगत त्यांनी आपली भूमिका स्पष्ट केली…..नेमके ते काय म्हणाले ऐका हा व्हिडीओ
