सोलापुरात चोरट्याने रोख रकमेसह चोरले कॅडबरी अन् फेस वॉश ; पोलीस चौकी शेजारील मेडिकल फोडले!
सोलापूर : कुमठा नाका परिसरातील जिल्हा क्रीडा संकुलाच्या गाळ्यांमधील तीन नंबर गाळा असलेल्या शिवाशकी मेडिकल मध्ये मंगळवारी पहाटेच्या सुमारास चोरी झाली असून चोरट्याने रोख रकमेसह मेडिकल मधील महागडे कॅडबरी चॉकलेट तसेच फेस वॉश चोरून नेल्याची घटना उघडकीस आली आहे.
संबंधित मेडिकल मध्ये स्टेडियमच्या मागच्या बाजूला गरम हवा बाहेर फेकण्यासाठीचा एक्झॉट फॅन आहे. चोराने मागच्या बाजूचे एक्झॉट फॅनची जाळी तोडून तो फॅन बाजूला काढून आत मध्ये प्रवेश केला असल्याचे दिसून येते, आतील साधारण दहा हजारहून अधिक रोख रक्कम, मेडिकल मधील कॅडबरी चॉकलेट तसेच फेस वॉश चोरून नेल्याचे सांगण्यात आले. संबंधित मेडिकल चालकाने जेव्हा सकाळी साडेनऊ वाजता मेडिकल उघडले असता त्यांनी पाहिले तर ही चोरी झाल्याचे त्यांना दिसून आले. त्यांनी तातडीने पोलिसांना ही माहिती दिली असता पोलिसांनी जागेवर येऊन पंचनामा केला आहे.
हे मेडिकल तीन नंबर गाड्यांमध्ये असून याच गाळ्यामध्ये बारावा नंबरच्या गळ्यात शास्त्रीनगर पोलीस चौकी आहे.
जिल्हा क्रीडा संकुल मध्ये मागील काही महिन्यांपासून मैदान दुरुस्तीचे काम सुरू असल्याने स्टेडियम मध्ये कोणीही ये जा करतो, रात्रीच्या सुमारास तर बरेच गोष्टी चालतात. या स्टेडियम मध्ये सुरक्षारक्षक नसल्याने अशा घटना घडत असल्याचे पाहायला मिळते.
