जलसंधारण मंत्री संजय राठोड यांच्या वाढदिवसाचा असा दुग्ध शर्करा योग ; युवराज राठोड यांचा पुढाकार
संतश्रेष्ठ गजानन महाराजांच्या पालखीचे आगमन झाले असता दर्शनासाठी बंजारा समाजाचे नेते मृदु व जलसंधारण मंत्री संजय राठोड हे उपस्थित होते. 30 जून रोजी मंत्री संजय राठोड यांचा वाढदिवस आहे आणि हाच दुग्ध शर्करा योग साधून सोनाई फाउंडेशनचे संस्थापक अध्यक्ष तथा आधार हॉस्पिटलचे चेअरमन युवराज राठोड यांनी समस्त बंजारा बांधवांच्या वतीने हॉटेल बालाजी सरोवर येथे तब्बल पाच किलोचा केक, हार, नारळ, शाल देऊन त्यांचा सहपत्नीक सत्कार केला.
यावेळी शिवसेनेचे शहर प्रमुख सचिन चव्हाण, शिवसेना जिल्हाप्रमुख अमर पाटील, डी एम प्रतिष्ठानचे अध्यक्ष युवराज चव्हाण, माजी महापौर अलका राठोड, माजी नगरसेविका शैलजा राठोड, बंजारा नेते अशोक चव्हाण, बंजारा क्रांती दलचे अध्यक्ष मोतीराम चव्हाण, घोड्या तांड्याचे नेते राजमोती राठोड, बंजारा युवक अध्यक्ष श्रीमंत चव्हाण, सेवालाल मध्यवर्ती उत्सव अध्यक्ष नाम पवार, नितीन चव्हाण, प्रमोद पवार,अकबर शेख, माळाप्पा गण्यार, मुस्ताक शेख, काशिनाथ राठोड, राहुल लकडे, जितेश चव्हाण, राजू पवार असे अनेक बंजारा बांधव उपस्थित होते.
