बोधिसत्व मध्यवर्तीची महापालिका आयुक्तांसोबत बैठक ; जयंती काळात ही कामे तातडीने करा
सोलापूर – सोलापूर शहरातील विश्वरत्न डॉ बाबासाहेब आंबेडकर यांच्या 134 व्या जयंतीनिमित्ताने बोधिसत्व डॉ. बाबासाहेब आंबेडकर जयंती उत्सव महामंडळाच्या माध्यमातून सोलापूर शहरातील जयंती साजरी करणाऱ्या विविध मंडळाच्या पदाधिकारी व कार्यकर्त्यांच्या समावेत सोलापूर महानगरपालिका आयुक्त यांच्या दालनामध्ये बैठक आयोजित करण्यात आली होती. सदरच्या बैठकीत सोलापूर महानगरपालिका आयुक्त डॉ. सचिन ओम्बासे, अतिरिक्त आयुक्त संदीप कारंजे व रवी पवार, विद्युत विभागाचे अधिकारी परदेशी यांच्या प्रमुख उपस्थितीमध्ये ही बैठक संपन्न झाली.
दि. 13/04/2025 ते 20/04/2025 या उत्सव कालावधीमध्ये सोलापूर महानगरपालिकेच्या माध्यमातून स्वच्छता ठेवणे, पाणीपुरवठा सुरळीत ठेवणे, स्ट्रीट लाईट दुरुस्ती करणे ही कामे तातडीने हाती घेण्याबाबत तसेच विश्वरत्न डॉ बाबासाहेब आंबेडकर यांच्या 134 व्या जयंतीनिमित्ताने भव्य सांगता मिरवणुकीच्या मार्गातील रस्त्यावरील खड्डे, दिवाबत्ती, महिलांसाठी व लहान मुलांसाठी जागोजागी बसण्याची सोय, पाणपोई, तातडीची ओ.पी.डी. सेवा त्यादिवशी होणारा पाणीपुरवठा सुरळीत व व्यवस्थित ठेवण्याबाबत उपस्थित असणारे सर्व बोधिसत्व डॉ. बाबासाहेब आंबेडकर जयंती उत्सव मध्यवर्ती महामंडळाचे विश्वस्त व पदाधिकाऱ्यांनी आपल्या सूचना मांडल्या.
यावेळी माजी गटनेते आनंद चंदनशिवे विश्वस्त अध्यक्ष बाळासाहेब वाघमारे, , मिलिंद प्रक्षाळे, उत्सव अध्यक्ष विकी शेंडगे, रॉकी बंगाळे, रविकांत कोळेकर, शांतीकुमार नागटिळक, अजित बनसोडे, अशितोष नाटकर, विनोद वाघमारे, अविनाश भडकुंबे, दत्ता शिंदे, चंद्रकांत सोनवणे, लखन भंडारे, उमेश रणदिवे, विनोद वाघमारे, पंकज ढसाळ, आझर शेख, चेतन भडकुंबे, अजय कांबळे, नितीन ओव्हाळ, रियाज दिना, बाळासाहेब बनसोडे, दीपक गवळी, सागर उबाळे, अक्षय मस्के, अमोल कदम, भीमा मस्के, रवी बनसोडे, जयराज सांगे, सुहास म्हात्रे, किरण माने, स्वप्निल चौरे, विनोद सावंत, सिद्धार्थ सोनवणे, सोनू दुपारगोडे, अनिल राठोड, नारायण बंडगर, बापू मस्के, प्रेम बनसोडे, जगन्नाथ गायकवाड, विकी मेंदापूरे तसेच बोधिसत्व डॉ बाबासाहेब आंबेडकर जयंती उत्सव मध्यवर्ती महामंडळातील पदाधिकारी व बहुसंख्या कार्यकर्ते उपस्थित होते.
