युवराज राठोड यांना दक्षिण मध्ये मिळणार अपक्षांचा पाठिंबा ! सर्व समाजातून युवराज यांना मिळतेय पसंती
सोलापूर : दक्षिण सोलापूर विधानसभा मतदारसंघातील दक्षिण परिवर्तन विकास आघाडीचे उमेदवार युवराज राठोड यांना आता या विधानसभा मतदारसंघात निवडणूक लढवणारे काही अपक्ष उमेदवार पाठिंबा देणार असल्याची माहिती समोर आली आहे. येत्या दोन दिवसात पत्रकार परिषद घेऊन पाठींबा जाहीर करण्यात येणार असल्याचे समजले.
दक्षिण सोलापूर विधानसभा मतदारसंघातील धनगर, लिंगायत, बंजारा, साळी, माळी, कोळी, मुस्लिम यासह मागासवर्गीय समाजामध्येही युवराज राठोड यांना पसंती दिली जात आहे.
विशेष करून बंजारा समाजाने तर युवराज राठोड यांच्या पाठीशी राहण्याचा निर्धार केला आहे.
या मतदारसंघातील प्रत्येक गावांमध्ये युवराज राठोड यांनी जाऊन नागरिकांच्या भेटी घेतल्या आहेत. प्रत्येक ठिकाणी त्यांचे स्वागत होत आहे तसेच सोलापूर शहरी भागात असलेल्या अनेक भागांमध्ये त्यांच्या पदयात्रेला प्रचंड प्रतिसाद मिळताना पाहायला मिळतो. अपक्षांमध्ये युवराज राठोड यांनी आघाडी घेतली आहे.
एकूणच सर्व समाजाचा दक्षिण परिवर्तन विकास आघाडीचे उमेदवार युवराज राठोड यांना मिळत असलेला पाठिंबा पाहता या विधानसभा मतदारसंघात निवडणूक लढत असलेल्या काही अपक्ष उमेदवारांनी आता त्यांना पाठिंबा देण्याचा निर्धार केला आहे. अपक्षांमध्ये पाठिंबा देणारे कोण कोण असणार हे लवकर समोर येईल. त्यामुळे युवराज राठोड यांची आणखी ताकद या मतदारसंघात वाढणार यात शंका तर नाही पण धक्कादायक निकालाची अपेक्षा व्यक्त होत आहे.
