सोलापूर : होटगी रोड विमानतळावरून नागरी विमानसेवा सुरू करण्यासाठी केंद्रीय हिवाळी अधिवेशनात तथा महाराष्ट्राच्या हिवाळी अधिवेशनात काहीही ठोस अशी कार्यवाही तथा आश्वासन न मिळाल्याने बुधवार २८ डिसेंबर रोजी सोलापूर विकास मंचने मुक मोर्चा काढून लक्ष वेधले. २८ डिसेंबर रोजी सोलापूरच्या मॅकेनिकी चौकातुन सकाळी ठिक ०९:३० वाजता मुक मोर्च्याची सुरुवात झाली, सरस्वती चौक, डॉ.बाबासाहेब आंबेडकर पार्क चौक, सिद्धेश्वर मंदिर रोड मार्गे जिल्हाधिकारी कार्यालय आवारातील पुनम गेट समोर येऊन मुक मोर्च्याचे रुपांतर सभेत झाले यानंतर सोलापूरच्या वतीने सोलापूर विकास मंचने जिल्हाधिकारी यांना निवेदन सुपूर्द केले.
मोर्चात मंचचे केतन शहा, योगीन गुर्जर, विजय जाधव, श्रीनिवास वैद्य, विश्वनाथ गायकवाड, सदस्य सुहास भोसले, आनंद पाटील, मनोज क्षीरसागर, प्रसन्न नाझरे, गणेश शिलेदार, गौरी आंमडेकर, जयश्री तासगावकर, श्रीकांत बनसोडे, इक्बाल हुंडेकरी, अर्जुन रामगिर, अनंत कुलकर्णी, सचिन पत्तेवार यांच्यासह विद्यार्थ्यांची उपस्थिती होती.
यावेळी श्रीनिवास वैद्य, विश्वनाथ गायकवाड यांनी भाषण करताना लोकप्रतिनिधींवर तोफ डागली, कोणत्याही परिस्थितीत सोलापूरकर होटगी रोडवर विमानसेवा सुरू करून दाखवणारच असा निर्धार केला. जर धर्मराज काडादी हे शहर उत्तर मधून निवडणुकीला उभारले तर विकास मंच विरोधात उमेदवार देणार असा इशाराही देण्यात आला.
