दक्षिणची जागा शिवसेनेलाच सुटणार ; अमर पाटील यांचा दावा ; तरीही म्हणाले, मी बंड करणार नाही
सोलापूर : शिवसेना नेते खासदार संजय राऊत हे गुरुवार 12 सप्टेंबर रोजी सोलापूर दौऱ्यावर येत आहेत त्यांच्या प्रमुख उपस्थितीत दक्षिण सोलापूर विधानसभा मतदारसंघातील शिवसेना कार्यकर्त्यांचा मेळावा आयोजित करण्यात आला असून जिल्हाप्रमुख अमर पाटील यांच्या संपर्क कार्यालयाचे उद्घाटन राऊत यांच्या हस्ते होणार आहे. याबाबत शिवसेनेच्या वतीने मंगळवारी पत्रकार परिषद घेऊन माहिती देण्यात आली. हा मेळावा गुरुवारी सायंकाळी पाच वाजता विजापूर रोडवरील निर्मिती लॉन या ठिकाणी होणार आहे. याच दौऱ्यात जुळे सोलापुरातील ट्रायंगल टॉवर या ठिकाणी जिल्हाप्रमुख अमर पाटील यांच्या जनसंपर्क कार्यालयाचे उद्घाटन संजय राऊत यांच्या हस्ते होणार आहे.
दरम्यान पत्रकारांशी बोलताना अमर पाटील म्हणाले, मी दक्षिण विधानसभा मतदारसंघातून इच्छुक आहे. मागील पाच वर्षापासून मोर्चेबांधणी करीत आहे. या मतदारसंघात यापूर्वी माझ्या वडिलांनी प्रतिनिधित्व केले आहे. शिवसेनेची ताकद मोठी आहे, आणि यावेळी उद्धव बाळासाहेब ठाकरे गटाच्या शिवसेनेला महाविकास आघाडीतून दक्षिण विधानसभा मतदारसंघ सुटणार असा दावा अमर पाटील यांनी केला. जर ही जागा शिवसेनेला सुटली नाही तर काय भूमिका असेल? या प्रश्नावर निबंध खोरी करणार नाही पक्षप्रमुख उद्धव ठाकरे जे निर्णय देतील ते मान्य राहील अशी ही भाषा पाटील यांनी वापरली.
