सोलापूर येथील सिद्धेश्वर सहकारी बँकेच्या अध्यक्षपदी प्रकाश संगप्पा वाले तर उपाध्यक्षपदी नरेंद्र महादेव गंभीरे यांची एकमताने निवड झाल्याचे निवडणूक निर्णय अधिकारी कुंदन भोळे यांनी जाहीर केले.
नुकतीच सिद्धेश्वर बँकेच्या संचालक मंडळाची पंचवार्षिक निवडणूक पार पडली. यात बँकेचे मार्गदर्शक राजशेखर शिवदारे पुरस्कृत सर्व संचालक निवडून आले. सिद्धेश्वर बँकेच्या अध्यक्ष पदासाठी प्रकाश संगप्पा वाले यांचे नाव तुकाराम काळे यांनी सुचवले तर बाळासाहेब आडके यांनी त्यांला अनुमोदन दिले व उपाध्यक्ष पदासाठी नरेंद्र महादेव गंभीरे यांचे नाव सुचेता थोबडे यांनी सुचवले तर एम. के. पाटील यांनी त्यांला अनुमोदन दिले. या दोन्ही पदासाठी प्रत्येकी एक अर्ज आल्याने ही निवड अविरोध झाल्याचे घोषित करण्यात आले.
निवडणूक अधिकारी कुंदन भोळे यांनी अध्यक्ष प्रकाश वाले व उपाध्यक्ष नरेंद्र गंभीरे व सर्व नूतन संचालकाचे अभिनंदन केले. कुंदन भोळे यांनी शुभेच्छा आणि मनोगत व्यक्त केले.
सिद्धेश्वर सहकारी बँकेचा इतिहास व कामकाजाची सर्व लोकांना माहिती आहे. अनेक लोकांच्या आयुष्य उभारणीस बँकेने मदत केली आहे. बँकेच्या सर्व संचालकांमध्ये सकारात्मक चर्चा होत असतात. बँक चालवणे तारेवरची कसरत आहे. बँकेच्या कामकाजात निर्णय घेताना सर्व संचालकांनी सहभागी व्हावे. त्यांनी सभेमध्ये प्रश्न विचारावेत व बँकेच्या कामकाजाची माहिती करून घ्यावे. प्रशासनाचीही जबाबदारी मोठी आहे. रिझर्व बँकेचे निर्णय सूचना संचालकांनी समजावून घ्याव्यात. संचालक हे बँकेचे ट्रस्टी आहात कर्ज वाटप करताना कोणतेही हेतू न ठेवता चिकित्सा करून कर्ज वाटप केले पाहिजे. तसेच वसुलीसाठी हे सर्व संचालकांनी प्रयत्न करावेत असे मत व्यक्त केले.
या सभेत संचालक तुकाराम काळे, अशोक लांबतुरे, पशुपतीनाथ माशाळ, सौ. सूचेता थोबडे, रूपाली बिराजदार, मल्लिनाथ पाटील, भीमाशंकर म्हेत्रे, शिवानंद कोनापुरे, बाळासाहेब आडके, इरप्पा सालक़्क़ी, महेश सिंदगी, सिद्धेश्वर मुनाळे, प्रकाश हत्ती व बँकेचे सरव्यवस्थापक राम शर्मा, सहा. सरव्यवस्थापक संजय घाळे हे उपस्थित होते.
