सोमनाथ वैद्य यांची अशी ही माणुसकी ! मोर्चात सहभागी हजारो शिक्षकांनी दिला तृप्तीचा ढेकर
सोलापूर : दक्षिण सोलापूर विधानसभा मतदारसंघातून विधानसभा निवडणुकीसाठी इच्छुक असलेल्या सामाजिक कार्यकर्ते सोमनाथ वैद्य यांच्या माणुसकीचे आगळे वेगळे दर्शन मंगळवारी पाहायला मिळाले. तसे तर मुळात सोमनाथ वैद्य आणि शिक्षकांचा काय संबंध परंतु या मोर्चामध्ये आलेल्या शिक्षकांची काळजी सुद्धा त्यांनी घेतल्याचे पाहायला मिळाले. त्या हजारो शिक्षकांच्या भोजनाची सोय त्यांनी केल्याने त्यांच्या या उपक्रमाचे हजारो शिक्षकांनी कौतुक केले आहे.
सोलापूर जिल्हा शैक्षणिक व्यासपीठ यांच्या वतीने शासन दरबारी प्रलंबित असलेल्या विविध शैक्षणिक समस्या मान्य होण्यासाठी अध्यक्ष सुभाष माने यांच्या नेतृत्वाखाली विराट असा शिक्षकांचा मोर्चा जिल्हा परिषदेवर आला होता. या मोर्चात किमान दहा हजार शिक्षकांचा सहभाग होता. मोर्चाची वेळ दुपारची असल्याने या शिक्षकांसाठी स्वयम् शिक्षा फाउंडेशनचे अध्यक्ष सोमनाथ वैद्य आणि त्यांचे मित्र ड्रीम फाउंडेशनचे अध्यक्ष काशिनाथ भतगुणकी यांच्यावतीने त्या ठिकाणी भोजनाची सोय करण्यात आली होती. या मोर्चा मधील सुमारे 5000 शिक्षकांनी या भोजनाचा आस्वाद घेतला त्यानंतर तृप्तीचा ढेकर ही दिला.
या उपक्रमाबद्दल मोर्चाचे नेतृत्व करणारे प्राचार्य सुभाष माने सरांनी सुद्धा सोमनाथ वैद्य यांच्या या सामाजिक उपक्रमाचे कौतुक केले आहे.
या उपक्रमाबद्दल दक्षिण सोलापूर तालुका मुख्याध्यापक संघाचे अध्यक्ष होनमाने सर यांनी वैद्य यांच्या उपक्रमाचे कौतुक करताना त्यांना भावी आमदारकीच्या शुभेच्छा दिल्या आहेत.
