माने, हसापूरे, शेळके, मिस्त्री एकत्रित दौरा ; दक्षिण मधून प्रणिती शिंदेंना 25 हजाराचा लीड देणार
सोलापूर लोकसभा मतदारसंघातील काँग्रेस महाविकास आघाडीचे उमेदवार आमदार प्रणिती शिंदे यांच्या प्रचारार्थ दक्षिण विधानसभा मतदारसंघात आता माजी आमदार दिलीप माने, दक्षिणचे नेते सुरेश हसापुरे, बाळासाहेब शेळके, माजी नगरसेवक बाबा मिस्त्री, तालुकाध्यक्ष हरीश पाटील या नेत्यांना एकत्रित दौरा करण्याच्या सूचना सुशीलकुमार शिंदे यांनी केल्या असून त्या सूचनेनुसार हे सर्व नेते एकत्रित आले आहेत.
या नेत्यांनी शनिवारी दक्षिण सोलापूर तालुक्याचा एकत्रित दौरा सुरू केला आहे. सोरेगाव व हत्तुर येथून सर्व दक्षिणच्या नेत्यांनी दौऱ्याला सुरुवात केली आहे.
प्रत्येक गावात या नेत्यांना प्रचंड प्रतिसाद मिळत आहे. विखुरलेले नेते एकत्रित आल्याने नागरिकांमध्ये सुद्धा उत्साहाचे वातावरण असून आमदार प्रणिती शिंदे यांना या लोकसभा निवडणुकीत दक्षिण सोलापूर तालुक्यातील 25 हजाराचा लीड देण्याचा निर्धार करण्यात आला आहे.
