विजय चौगुले संघटना म्हणून भाजप सोबत पण सोलापुरात सर्व समाज म्हणून वडार प्रणिती शिंदेंच्या पाठीशी
सोलापूर : सोलापुरात महाराष्ट्र राज्य वडार समाज संघाने काँग्रेस महा विकास आघाडीच्या उमेदवार प्रणिती शिंदे यांना पाठिंबा देण्यात आला आहे. शुक्रवारी पत्रकार परिषद घेऊन वडार समाजाने ही घोषणा केली.
आमदार प्रणिती शिंदे यांनी वडार समाजाचे अनेक प्रश्न सोडवले आहेत, तत्कालीन मुख्यमंत्री देवेंद्र फडणवीस यांनी वडार समाजाला दहा टक्के आरक्षण देण्याची घोषणा सोलापुरात केली होती, परंतु त्याची अंमलबजावणी झाली नाही, केवळ घोषणा देतात, त्यासाठी त्यांना आम्ही कायम पाठिंबा द्यायचा का? प्रणिती शिंदे यांनी रॉयल्टी चा प्रश्न सोडवला त्या कायम प्रश्नावर बोलत राहतात, यापुढे समाजाचे सर्व प्रश्न सोडवण्यासाठी त्या प्रयत्नशील असल्याने या लोकसभा निवडणुकीत वडार समाज संघाने प्रणिती शिंदे यांना पाठिंबा दिला आहे.
राज्यात वडार समाजाच्या प्रश्नासाठी लढाई देणारे विजय चौगुले हे संघटना म्हणून भाजप सोबत आहेत पण संपूर्ण वडार समाज म्हणून आमचा प्रणिती शिंदे यांना पाठिंबा असल्याचे मुकुंद पवार यांनी सांगितले.
संघाचे अध्यक्ष मुकुंद पवार, राजू कलकेरी, शंकर चौगुले, दत्तू बंदपट्टे, सुशील बंदपट्टे मनोहर मुधोळकर, रोहित अलकुंटे, परशुराम आनंदकर यांच्यासह असंख्य वडार समाजाचे बांधव मोठ्या संख्येने उपस्थित होते.
