सोलापूर – राज्यातील पाणी व स्वच्छता विभागात काम करणारे कंत्राटी कर्मचारी यांना कायम करण्याची मागणी करत शासकीय कर्मचारी यांचे जुनी पेन्शन योजने साठी सुरू असलेल्या संपास पाठी्बा दिला आहे.
जिल्हा परिषदेमध्ये आज सामान्य प्रशासन व ग्रामपंचायत विभाग व पाणी व स्वच्छता विभागाचे उपमुख्य कार्यकारी अधिकारी इशाधिन शेळकंदे यांना महाराष्ट्र राज्य पाणी व स्वच्छता शासकीय कंत्राटी कर्मचारी महासंघाच्या वतीने निवेदन देण्यात आले.
बेमुदत संपाची दाहकता बुधवारी दुपारी सुद्धा दिसून आली, रखरखत्या उन्हात कर्मचाऱ्यांनी बसून ‘एकच मिशन जुनी पेन्शन’ची जोरदार हाक दिली.
दरम्यान आंदोलनाला संबोधित करताना जिल्हा कार्यक्रम व्यवस्थापक सचिन जाधव म्हणाले, आज राज्यातील अठरा लाख कर्मचाऱ्यांना हे बेमुदत आंदोलन करण्याची वेळ का आली कारण या सरकारला कर्मचाऱ्यांचे काही देणेघेणे नाही. 18 लाख कर्मचाऱ्यांना उन्हात बसवणाऱ्या सरकारला आता घरी बसविण्याची वेळ आल्याची भूमिका मांडत राज्यातील पाणी व स्वच्छता विभागात काम करणारे जिल्हा कक्षातील सल्लागार व बीआरसी व सीआरसी हे गेल्या १८ वर्षा पासून काम करीत असून यांना शासन सेवेत कायम करणेची मागणी त्यांनी यावेळी केली.
