सोलापूर शहरातील सराईत गुन्हेगार दरेप्या ऊर्फ सुरेश शरणमा जकापुरे वय ४२ वर्षे रा. बसव नगर, भवानी पेठ, सोलापूर यास एमपीडीए अधिनियम, १९८९ अन्वये दि.३० जुलै रोजी स्थानबध्द आदेश जारी करून त्यास दि.३१ जुलै रोजी स्थानबध्द केले आहे.
सुरेश जकापुरे याने कुंभार वेस बाजारपेठ, घोंगडे वरती, प्रियंका चौक, जोडभावी पेठ, कौतम चौक, कन्ना चौक, राजेंद्र चौक, जगदंबा चौक, भवानी पेठ, कुमठा नाका ७० फुट रोड, तुळजापुर बेस या परिसरात गंभीर स्वरूपाचे गुन्हे केले आहेत . परिसरात घातक शस्त्रानिशी फिरुन दहशत व भिती घालणे तसेच सरकारी कर्मचाऱ्यावर हल्ला करणे, अवैधरित्या गुटखा विक्री करणे, अवैधरित्या सुगंधित तंबाखु विकणे, शासकीय कामात अडथळा आणणे, तसेच आपत्ती व्यवस्थापन कायदयाचा भंग करणे, जीवनावश्यक वस्तुचा काळाबाजार करणे, खंडणी गोळा करणे, जबरी चोरी करणे यासारखे गंभीर गुन्हे तो करत असतो. अशा प्रकारची गुन्हेगारी कारवाई करून दरेप्पा ऊर्फ सुरेश शरणप्पा जकापुरे याने परिसरात दहशत निर्माण करून सार्वजनिक सुव्यवस्थेस बाधा निर्माण केली आहे. अशा प्रकारे त्याने परिसरात दहशत निर्माण करून स्वतःस धोकादायक इसम म्हणून सिध्द केले आहे.
जकापुरे याच्या विरुध्द शहरातील सदर बझार, जोडभावी पेठ व फौजदार चावडी पोलीस ठाण्यास एकूण ०६ गंभीर स्वरुपाचे गुन्हे दाखल आहेत. त्यास त्याच्या गुन्हेगारी कारवायापासून परावृत्त करण्यासाठी सन २०२० मध्ये कलम ११० (ई) (ग) फौ.प्र.सं अन्वये प्रतिबंधक कारावाई करण्यात आली होती. मात्र त्याच्या वर्तनात कोणताच बदल झाला नाही, पुन्हा त्याने सन २०२१ मध्ये अलीकडील काळात त्याच्या साथीदारासह स्वतःची दहशत निर्माण करुन बेकायदेशीर गुटखा विक्री सुरूच ठेवली होती त्याने अन्न सुरक्षा व मानके कायदा अन्वये गंभीर स्वरुपाचे गुन्हे केले आहे.
दरम्यान पोलीस आयुक्त यांनी त्यास एमपीडीए अधिनियम, १९८१ अन्वये स्थानबध्दतेचे आदेश निर्गमित केले आहेत. त्यान आदेशाची बजावणी करुन येरवडा कारागृह, पुणे येथे दाखल करण्यासाठी रवानागी करण्यात येणार आहे.
