यंदा सोलापूर जिल्हा परिषदेत विविध पक्ष, स्थानिक आघाड्याची खिचडी झालेली सत्ता आहे त्यामुळे कुणाचा कुणाला मेळ नाही. महा विकास आघाडीची राज्यात सत्ता आहे, जिल्हा परिषदेमध्ये महा विकास आघाडीचे संख्याबळ नसतानाही भाजप समविचारी आघाडी ने एकत्र येऊन शिवसेनेचा जिल्हा परिषद अध्यक्ष केला, अध्यक्ष अनिरुद्ध कांबळे हे जरी शिवसेनेच्या लेटरपॅड शिवसैनिक असल्याचे दाखवत असले तरी त्यांच्यावर भाजपचा जबर पगडा आहे.
अध्यक्ष शिवसेनेचा, उपाध्यक्ष स्थानिक आघाडीचा, अर्थ व बांधकाम सभापती भाजपचे, समाज कल्याण सभापती शेतकरी कामगार पक्ष, कृषी सभापती राष्ट्रवादी काँग्रेसचे, महिला व बालकल्याण सभापती काँग्रेसचे अशी भेळ मिसळ जिल्हा परिषदेमध्ये सत्ता आहे.
जिल्हा परिषदेच्या ऑनलाइन सभेच्या पूर्वी आदल्या दिवशी आढावा बैठक होती त्या बैठकीत कोरोना लसीकरणाचा मुद्दा भारत आबा शिंदे यांनी उपस्थित केला, पालकमंत्री भरणे यांच्या कारभारावर ही त्यांनी नाराजी व्यक्त केली,
पुण्याला लस मिळतात तर सोलापूरला का नाही असे अनेक प्रश्न उपस्थित करत भारत आबा व वसंतनाना यांनी जिल्हा आरोग्य अधिकारी शितल जाधव व मुख्य कार्यकारी अधिकारी दिलीप स्वामी यांच्यावर प्रश्नांची सरबत्ती केली.
काहींनी तर अध्यक्ष अनिरुद्ध कांबळे यांना डिवाचण्याचा प्रयत्न केला, अध्यक्ष मुख्यमंत्री उद्धव ठाकरे हे तर तुमचे आहेत, तुम्ही काय करता अध्यक्ष म्हणून, जाऊ त्यांच्याकडे आणि सोलापूर साठी लस घेऊन येऊ, हे बोलताच अनिरुद्ध अण्णा नेहमी प्रमाणे लगेच हो जाऊ की म्हणाले.
तेवढ्यात भाजप समविचारी अर्थ बांधकाम सभापती विजयराज डोंगरे म्हणाले, मुख्यमंत्र्यांपर्यंत कशाला भारत आबा, पालकमंत्री आपल्याच पक्षाचा आहे की त्यांना बोलू की, विजयराज असे म्हणताच वसंतनाना लगेच म्हणाले आपल्याच पक्षाचा म्हणजे हे काय दादा? यावरून जिल्हा परिषदेत सब गोलमाल है भाई सब गोलमाल, असेच यंदा चित्र असल्याने अनेक कलाकार यांचा स्वहितासाठी फायदा घेत आहेत, पुढे ही घेत राहणार हे नक्की.
