सोलापूर-जड वाहनाखाली येऊन दुचाकी स्वाराचा जागीच मृत्यू झाला ही घटना मुरारजी पेठेतील मुख्याध्यापक भवन समोर मंगळवारी दुपारी घडली. शीतलनाथ आहेरकर असे मयत व्यक्तीचे नाव आहे.
शीतलनाथ आहेरकर हे एका खाजगी काम करतात.मुरारजी पेठ येथे दररोज डबा घेण्यासाठी येतात.पण मंगळवारी सकाळी काळाने घाला घातला.डबा घेण्यासाठी आले असता एमएच 18 बिजी 7397 या क्रमांकाचा ट्रक भरधाव वेगात आला आणि शीतलनाथ यांना ठोकरले.अपघात इतका भीषण होता की,दुचाकी(एमएच13 सिव्ही 7651) वर असलेले शीतलनाथ आहेरकर यांचा जागीच मृत्यू झाला.अपघातात नंतर फौजदार चावडी पोलीस ठाण्याचे पोलीस घटनास्थळी धाव घेतली आणि मृतदेह शव विच्छेदनसाठी पाठविले.व ट्रक ताब्यात घेतले आहे.अपघातानंतर मोठ्या संख्येने नागरिक जमा झाले होते.
सोलापुरात वाहतूक व्यवस्था सुरळीत करण्याऐवजी दंडवसुलीवर भर दिला जात आहे.वाहनधारकाना शिस्त लावली जात आहे,असं सांगत सोलापूर वाहतूक पोलीस दंड वसुली करत आहे.मात्र शहरात जडवाहतुकीचे बळी जात आहेत.या अपघातानंतर नागरिकांनी पोलीस प्रशासनाविरोधात नाराजगी व्यक्त केली आहे.
सोलापुरात वाढत्या अपघातामुळे अनेकांचे जीव चालले आहे.प्रशासन हे अपघात कसे कमी करावे याकडे लक्ष न देता,दंड वसुली कशी होते,याकडे लक्ष देत आहेत.चौका चौकात पोलीस अधिकारी व कर्मचारी थांबून वेगवेगळ्या प्रकारची कागदपत्रे तपासणी करत दंडवसूली करत आहेत
