सोलापूर : जिल्हा परिषद मुख्य कार्यकारी अधिकारी पदाचा अतिरिक्त पदभार अतिरिक्त मुख्य कार्यकारी अधिकारी संदीप कोहिनकर यांच्याकडे देण्यात आला आहे. मुख्य कार्यकारी अधिकारी दिलीप स्वामी हे 41 दिवसाच्या ट्रेनिंग साठी मसूरी येथे जात आहेत.
शुक्रवारी विभागीय आयुक्तांच्या सूचनेनुसार स्वामी यांनी आपला मुख्य कार्यकारी अधिकारी पदाचा पदभार अतिरिक्त मुख्य कार्यकारी अधिकारी संदीप कोहिनकर यांच्याकडे सोपवला आहे. केवळ दीड महिन्यात सीईओ पदभार मिळण्यात कोहिनकर हे लकी ठरल्याचं बोललं जात आहे.
2 जानेवारी 2023 रोजी संदीप कोहीनकर यांची सोलापूर जिल्हा परिषदेच्या अतिरिक्त मुख्य कार्यकारी अधिकारीपदी नियुक्ती झाली त्यानंतर केवळ दीड महिन्यातच त्यांच्याकडे जिल्हा परिषदेचा सीईओ पदाचा पदभार आलेला आहे.
आता 41 दिवस कोहिनकर हे मुख्य कार्यकारी अधिकारी पदाचा पदभार सांभाळणार आहेत. मार्च अखेर असल्याने निधी वेळेत खर्च करण्यासाठी कोहिनकर यांचा चांगलाच कस लागणार आहे. सोलापूर जिल्हा परिषदेचे अंदाजपत्रक सुद्धा आता कोहिनकर यांच्यात कार्यकाळात होण्याची शक्यता आहे.
