सोलापूर : माध्यमिक शिक्षणाधिकारी मारुती फडके यांनी केवळ 21 दिवसानंतरच एक महिन्याच्या रजेवर जाण्याचा निर्णय घेतला आहे. त्यांनी आपल्या रजेचा अर्ज मुख्य कार्यकारी अधिकारी मनीषा आव्हाळे यांच्याकडे दिला आहे. शुगर आजाराचे कारण सांगून शिक्षणाधिकारी फडके आहे एक महिन्याच्या रजेवर जात आहे सोमवारी ही माहिती करतात सर्वच माध्यमांमधून याबाबत उलट सुलट बातम्या छापून आल्या.
याप्रकरणी सीईओ आव्हाळे या संतप्त असून त्यांनी शिक्षणाधिकारी फडके यांच्या रजेचा अर्ज नामंजूर करण्याचा निर्णय घेतला असल्याची माहिती समोर आली आहे. कोणतेही कारण सांगून असे एक महिना रजेवर जाणे कितपत योग्य नाही, यांची जबाबदारी आपण का घ्यावी असे प्रश्न उपस्थित केले आहेत.
फडके यांना सामान्य प्रशासन विभागाच्या उपमुख्य कार्यकारी अधिकारी यांच्याकडून कारणे दाखवा नोटीस काढणार असल्याचे समजते. फडके यांनी मेडिकल बोर्डासमोर जाऊन आपल्या आजाराचे निदान करून रजा घ्यावी. अन्यथा आपण रजा मंजूर करणार नाही अशा भूमिकेत आव्हाळे असल्याचे समजते. यामुळे माध्यमिक शिक्षणाधिकारी मारुती फडके यांची चांगलीच अडचण झाल्याचे दिसत आहे.
