सोलापूर जिल्हा परिषदेमध्ये सध्या जिल्हा नियोजन समितीच्या निधी वाटपावरून पालकमंत्री दत्तात्रय भरणे आणि जिल्हा परिषदेच्या 27 नियोजन समिती सदस्य मध्ये चांगलाच वाद पेटला आहे. जिल्हा परिषद सदस्य हे आमदारांना निधी न देण्याच्या पावित्र्यात आहेत, पालक मंत्री दत्तात्रय भरणे यांनी मात्र समसमान निधीची भाषा केली होती कोणावरही अन्याय होऊ नये असे त्यांचे भाष्य होते, एकीकडे जिल्हा परिषद सदस्य बोलत होते
तर दुसरीकडे पालकमंत्री बोलत होते या दोघांची एकत्रित येऊन एकदाही बैठक झाली नाही. त्यामुळे वाद वाढतच गेला,जिल्हा परिषदेला मिळणाऱ्या नियोजन समितीच्या निधीमधून सदस्यांना 65 टक्के तर आमदारांना 35 टक्के असा वाटा निधीचा द्यावा अशी मागणी करणारे पत्र काही दिवसांपूर्वी सोलापूर दौऱ्यावर आलेले राष्ट्रवादीचे नेते शरद पवार यांना जिल्हा परिषद अध्यक्ष अनिरुद्ध कांबळे यांनी दिले.
त्याच पार्श्वभूमीवर जिल्हा परिषदेचे अर्थ व बांधकाम समितीचे सभापती विजयराज डोंगरे यांना पालकमंत्री दत्तात्रय भरणे मामांनी फोन करून जिल्हा नियोजन समिती मधून जिल्हा परिषदेच्या सर्व सदस्यांना न्याय मिळेल, टक्के नको, उलट काही हेडला 80 ते 90 टक्के निधी देतो, जास्तीत जास्त निधी देईन , कोणताही वाद होणार नाही असे भरणे मामांनी विजयराज डोंगरे यांना सांगितले असल्याची माहिती मिळाली.
विजयराज डोंगरे हे मोहोळ तालुक्यातील पाटील गटाचे विरोधक आहेत, पालकमंत्री भरणे यांचेही मोहोळच्या मालकांशी तितके जुळत नसल्याची चर्चा ऐकण्यास मिळते, नियोजन समितीच्या माध्यमातून भरणे मामा आणि डोंगरे दादा यांची जवळीक वाढल्याची चर्चा आहे.
