सोलापूर : सोलापुरात लाच लुचपत प्रतिबंधक विभागाने मोठी कारवाई केली आहे. साखर कारखान्याचे डिस्टलरी युनिटचे कन्सेंट टू ऑपरेट लायसन्स नुतनीकरण करण्यास मदत केलेबाबतचा मोबदला तसेच कारखान्याकडून हवा व पाणी प्रदुषण होत असलेबाबत लोकांनी केलेल्या तक्रारीवर कारवाई न करण्याकरीता 2 लाखाची लाच घेताना महाराष्ट्र प्रदूषण नियंत्रण मंडळाचे उपप्रादेशिक अधिकाऱ्याला रंगेहाथ पकडण्यात आले आहे.
अजित वसंतराव पाटील वय ५० वर्षे पद- उपप्रादेशीक अधिकारी, महाराष्ट्र प्रदुषण नियंत्रण मंडळ कार्यालय सोलापूर असे त्या अधिकाऱ्याचे नाव आहे.
यातील प्राप्त तक्रारीनुसार उपप्रादेशीक अधिकारी, महाराष्ट्र प्रदुषण नियंत्रण मंडळ कार्यालय सोलापूर यांनी तक्रारदार यांना साखर कारखान्याचे डिस्टलरी युनिटचे कन्सेंट टू ऑपरेट लायसन्स नुतनीकरण करण्यास मदत केलेबाबतचा मोबदला तसेच कारखान्याकडून हवा व पाणी प्रदुषण होत असलेबाबत लोकांनी केलेल्या तक्रारीवर कारवाई न करण्याकरीता व प्रस्तावित फार्मासिटीकल्स युनिटचे कंसेन्स्ट्स टू इस्टॅब्लिश या लायसन्सचा प्रस्ताव वरिष्ठ कार्यालयास सादर करण्यासाठी यातील आलोसे यांनी तक्रारदार यांच्याकडे २,००,००० रुपये लाचेची मागणी करुन सदर लाच रक्कम स्वतः स्विकारुन त्यांनी वैयक्तीक सांपत्तीक फायदा मिळवण्यासाठी गुन्हेगारी स्वरुपाचे वर्तन केले आहे. यातील आलोसे यांना लाचेची मागणी करुन स्वतः लाचेची रक्कम स्विकारली असता रंगेहात पकडण्यात आले आहे.
ही सापळा कारवाई गणेश कुंभार, पोलीस उपअधीक्षक उमाकांत महाडीक, पोलीस निरीक्षक, चंद्रकांत कोळी, पोलीस निरीक्षक लाप्रवि, सोलापूर. पोलीस अंमलदार- पोह शिरीषकुमार सोनवणे, पोना अतुल घाडगे, पोकों किणगी सर्व ने. अॅन्टी करप्शन ब्युरो सोलापूर.
