सोलापूर : आगामी लोकसभा निवडणुकीच्या अनुषंगाने प्रारूप मतदार यादी प्रसिद्ध झाली आहे. सोलापूर जिल्ह्यात आता 36 लाख 33 हजार 72 मतदार असून त्यामध्ये 18 लाख 89234 पुरुष तर 17 लाख 43579 महीला मतदार आहेत. 259 इतके तृतीय पंथी मतदार यादीत असल्याची माहिती जिल्हाधिकारी कुमार आशीर्वाद यांनी दिली.
दि. 27 ऑक्टो. 2023 से 9 डिसें.2023 या कालावधीत विशेष संक्षिप्त पूनरिक्षण कार्यक्रम राबविला जाणार आहे. दि.01 जाने. 2024 रोजी किंवा त्याआधी 18 वर्ष पूर्ण केलेल्या नागरिकाना या कालावधीत झागाऊ मतदार नोंदणी करता येणार आहे तसेच 2024 च्या एप्रिल. जुलै, ऑक्टोंबर या महिन्यांच्या 1 तारखेला 18 वर्ष पुर्ण होणा-या तरुण तरुणींनाही सदर कालावधीत आगाऊ मतदार नोंदणी करता येईल. मात्र त्या अर्जावरील प्रक्रीया सदर तिमाहीत पुर्ण करणेत येईल 2024 मध्ये होऊ घातलेल्या लोकसभा व विधानसभा निवडणूकामध्ये मताधिकार बजाविणेसाठी ही संधी असलेने पात्र नव मतदारांनी नाव नोंदणी करावी, असे कुमार आशीर्वाद यांनी सांगितले.
तृतीयपंथी व्यक्ती, शरीर व्यवसाय करणा-या स्त्रीया, भटक्या विमुक्त जमाती यांच्यासाठी दि.2 व 3 डिसेंबर 2023 रोजी विशेष शिबिरे आयेजित केली जाणार आहेत. ही शिबिरे सामाजिक संस्थाच्या सहकार्याने सदर समाज घटकांना सोईच्या ठिकाणी आयोजित केली जाणार आहेत. या समाजघटकाकडे वास्तव्य आणि जन्म तारखेच्या कागदपत्रांची कमतरता लक्षात घेवून निवडणूक आयोगाने त्यांना स्वयं घोषणपत्राची सवलत दिलेली आहे. त्यामुळे हे समजते आता कोणतेही कागदपत्र नसले तरीही मतदार नोंदणी करू शकणार आहेत.
सोलापूर जिल्हामध्ये दि. 27 ऑक्टोंबर, 2023 रोजी एकुण सैनिक मतदार 4,481 इतकी आहेत. तसेच, एकुण 3.567 इतकी मतदान केंद्रे होती, त्यामध्ये 32 मतदान केंद्राची वाढ झालेली असून एकूण मतदान केंद्र 3,599 इतकी झालेली आहेत. Online मतदार नोंदणीसाठी मतदारांनी – voters.eci.gov.in तसेच आपली नावे मतदार यादीमध्ये शोधणेसाठी ceo.maharashtra.gov.in या संकेतस्थळाचा वापर करावा मतदार यादी संदर्भात काही माहिती आवश्यक असलेस अथवा काही दुरुस्ती असलेस संबधित सहा मतदार नोंदणी अधिकारी तथा तहसिल कार्यालयाशी संपर्क साधावा.