‘वंचित’चे गॅस सिलेंडर जाणार आता दक्षिण मध्ये घराघरात ; संतोष पवार यांच्या प्रचाराचा नारळ फुटला
२५१ दक्षिण सोलापूर विधानसभा मतदार संघातील वंचित बहुजन आघाडी पक्षाचे अधिकृत उमेदवार संतोष पवार यांच्या प्रचाराचा नारळ मंगळवारी फोडण्यात आला. हत्तूर येथील ग्रामदैवत तीर्थक्षेत्र श्री गुरु सोमेश्वर श्री गुरु बनसिध्देश्वर यांच्या चरणी नतमस्तक होऊन पवार यांनी आपल्या प्रचाराला सुरुवात केली आहे.
दक्षिण विधानसभा मतदारसंघात आता बहुरंगी लढत होत आहे त्यामध्ये वंचितच्या संतोष पवार यांनी आव्हान दिले आहे.
उमेदवार संतोष पवार यांनी वंचित बहुजन आघाडी पक्ष सर्वधर्मीय लोकांना घेवून यावेळी दक्षिण सोलापूर विधानसभा मतदार संघात सर्व ताकतीने निवडणूक लढविणार आहे. कारखानदार यांच्या विरोधात दंड थोपटले असून तालुक्याच्या उज्ज्वल भविष्याचा विचार करून जनता सजग होऊन, प्रस्थापित नेते आणि घराणेशाही विरोधात ठाम भूमिका घेत परिवर्तन घडवून आणेल,जनता जनार्दन यांच्या आशीर्वादाने मी आमदार होऊन
सर्वसामान्य शेतकरी, कष्टकरी,कामगार, बेरोजगार यांचे प्रश्न सोडवणार आहे.
याप्रसंगी आतिश बनसोडे, सायरा शेख, सोमलिंग कणपडियर, बिळेंनी कनपडियर, बंडप्पा पाटील, राजू गडदे, काकासाहेब माने, रवींद्र इंगळे, भरमन्ना गावडे, प्रकाश पवार, लक्ष्मण राठोड, वंचित बहुजन आघाडीचे माजी जिल्हाध्यक्ष विजयकुमार गायकवाड, शहराध्यक्ष प्रशांत गुडेवार, सोलापूर दक्षिण तालुका अध्यक्ष सुरेश देशमुख, सह सचिव शिवाजी मंजरेकर, जिल्हासंघटक उत्तम दिलपाक, विक्रम गायकवाड, असिफ यत्नाळ, संतोष राठोड, अजय चव्हाण, अमोल कांबळे, किरण पवार, रोहित पवार आदी उपस्थित होते.
