चाकूचा धाक दाखवून नराधमाने केला विवाहितेवर अत्याचार ; वाईट फोटो पाठवले नवऱ्याला ; अक्कलकोट तालुक्यातील चपळगाव इथली घटना
अक्कलकोट : अक्कलकोट तालुक्यातील चपळगाव येथे रक्षाबंधनला आलेल्या एका विवाहितेवर गावातल्या एका नराधमाने घरात घुसून चाकूचा धाक दाखवून ठार मारण्याची धमकी देत तिच्यावर अत्याचार केला आणि यावेळी काढलेले सेल्फी नवऱ्याला पाठवून तिची सर्वत्र बदनामी केली. याप्रकरणी अक्कलकोट उत्तर पोलीस ठाण्यात गुन्हा दाखल झाला आहे.
अनिल चनबसप्पा बिराजदार राहणार चपळगाव याच्याविरुद्ध अत्याचार केल्याचा गुन्हा दाखल झाला आहे.
फिर्यादीत म्हटले आहे की, पीडित विवाहिता हिचे चार महिन्यापूर्वी लग्न झाले होते त्यानंतर ती रक्षाबंधन या सणानिमित्त 12 ऑगस्ट रोजी आपल्या गावी आली होती, दरम्यान 28 ऑगस्ट 2024 रोजी फिर्यादी पीडित ही घरात एकटीच असताना आरोपी अनिल हा घरात आला त्याने घराची कडी आतून लावली आणि पिडीतेला माझं तुझ्यावर प्रेम आहे असं म्हणून तिच्या अंगाशी झोंबाझोंबी करण्यास सुरुवात केली. तेव्हा पिडीतेने माझे लग्न आहे तो घरातून निघून जा असे म्हणाली असता त्याने चाकू काढून तिला धाक दाखवत तुझा चेहरा हसरा ठेव असे म्हणून सेल्फी फोटो काढला. तुझ्या नवऱ्याला हे फोटो पाठवेल असे म्हणून पिडीतेवर अत्याचार केला.
त्यानंतर परत दुसऱ्या दिवशी शेतात बोलावले ती विवाहिता गेली नाही तेव्हा त्या नराधमाने तिचे फोटो नवऱ्याला पाठवले. त्यानंतर हा प्रकार मुलीच्या आईवडिलांना समजला.
दरम्यान आरोपी हा एका विशिष्ट समाजातील असल्याने त्या विवाहितेवर आणि तिच्या आई वडिलांवर कुणाचा राजकीय दबाव येऊ नये म्हणून अक्कलकोट उत्तर पोलीस ठाणे ऐवजी सर्वजण शहरातील पोलीस अधीक्षक कार्यालयात येऊन पोलीस अधीक्षक अतुल कुलकर्णी यांची भेट घेऊन या ठिकाणी हा गुन्हा दाखल केला आहे.
दरम्यान गावातील बसवराज बानेगाव आणि शाकीर पटेल यांनी संबंधित आरोपीवर कठोर कारवाई व्हावी अशी मागणी केली आहे.
