सोलापूरच्या ‘सुशील’वर काँग्रेसने दिली शहरात मोठी जबाबदारी ; साहेबांनी केला सत्कार
सोलापूर:- माजी केंद्रीय गृहमंत्री सुशीलकुमार शिंदे व खासदार प्रणिती शिंदे यांच्या शिफारसीनुसार उच्चशिक्षित चार्टर्ड अकाउंट असलेले, सामाजिक कार्यकर्ते, सुशील बंदपट्टे यांची सोलापूर शहर काँग्रेस कमिटीच्या कार्याध्यक्ष पदी निवड करण्यात आली असून जनवात्सल्य कार्यालय सोलापूर येथे सुशील बंदपट्टे यांच्या निवडीचे पत्र सुशीलकुमार शिंदे यांच्या हस्ते, सोलापुर शहर काँग्रेसचे अध्यक्ष चेतन नरोटे यांच्या उपस्थितीत हस्ते प्रदान करण्यात आले.
यावेळी ज्येष्ठ उद्योगपती दत्ता सुरवसे, वरिष्ठ उपाध्यक्ष सुनील रसाळे, युवक अध्यक्ष गणेश डोंगरे, चक्रपाणी गज्जम, राजा कलकेरी, दीपक जाधव, महेश अलकुंटे, दत्तात्रय अलकुंटे, संतोष इरकल, गोपाळ पाथरूट श्याम मुद्दे, अशोक यमपूरे, भीमाशंकर बंदपट्टे, श्रीनिवास यमपूरे, जयवंत यमपूरे, राहुल भरले, अतिश अलकुंटे, कुणाल भांडेकर, नरेंद्र अलकुंटे यांच्यासह समस्त वडार समाज व चंद्रनील मित्र परिवारातील सदस्य उपस्थित होते.
सुशील बंदपट्टे यांनी लोकसभा निवडणुकीत अतिशय चांगले काम केल्याचे पाहायला मिळाले. शहर उत्तर मध्ये एक पक्षाला चांगला युवा चेहरा मिळाला आहे. आता शहराध्यक्ष चेतन नरोटे यांच्या जोडीला युवा कार्याध्यक्ष मिळाल्याने आगामी महानगरपालिकेच्या निवडणुकीसाठी निश्चितच काँग्रेस पक्षाला सोलापूर शहरात सुशील बंदपट्टे यांच्या रूपाने फायदा होईल यात शंका नाही.
