भीम जयंतीनिमित्त जी.एम.संस्थेची भव्य मिरवणूक ; पोलीस आयुक्तांच्या हस्ते उद्घाटन

भीम जयंतीनिमित्त जी.एम.संस्थेची भव्य मिरवणूक ; पोलीस आयुक्तांच्या हस्ते उद्घाटन

सोलापूर- विश्वरत्न डॉ. बाबासाहेब आंबेडकर यांच्या 133व्या जयंती निमित्त जी.एम.मागासवर्गीय बहुउद्देशीय संस्थेतर्फे सालाबादप्रमाणे यंदा ही पारंपारिक वाद्यासह भव्य मिरवणूक काढण्यात आली. ही मिरवणूक छत्रपती शिवाजी महाराज चौक पासून डॉ. बाबासाहेब आंबेडकर यांच्या प्रतिमेचे पुजन करुन सामुदायिक बुद्ध वंदना घेऊन अभिवादन करुण काढण्यात आली.

या मिरवणूक मध्ये विशेष म्हणजे विश्वरत्न डॉ बाबासाहेब आंबेडकर यांनी भारतीय संविधानाच्या माध्यमातून मानवांसह पशु पक्षांना प्राण्यांना देखील संविधानाच्या माध्यमातून संरक्षण दिले आहे हा संदेश देणारा भारताचा राष्ट्रीय पक्षी मोर हा डॉक्टर बाबासाहेब आंबेडकरांची प्रतिमा आपल्या चोचीमध्ये घेऊन पृथ्वीवर फिरत भारतरत्न डॉक्टर बाबासाहेब आंबेडकर व संविधानाचे महत्त्व जगाला सांगत आहे असा देखावा सादर करण्यात आला आहे.

या वेळी सोलापूरचे पोलीस आयुक्त एम.राजकुमार, पोलीस उपायुक्त विजय कबाडे, पोलीस उपायुक्त बोराडे, जी.एम.संस्थेचे संस्थापक बाबासाहेब वाघमारे, जी.एम.संस्थेचे दत्ता वाघमारे, उत्सव अध्यक्ष हर्षवर्धन बाबरे, पप्पु गायकवाड, राजु हौशेट्टी यांच्यासह पदाधिकारी कार्यकर्ते भीमसैनिक मोठ्या संख्येने उपस्थित होते.