धक्कादायक ! सोलापूरचे तीन युवक जागेवरच ठार ; दुचाकीचा भीषण अपघात
सोलापूर : सोलापुरातून अतिशय धक्कादायक बातमी समोर आली आहे. दुचाकीच्या अपघातात तीन युवक जागेवरच ठार झाले आहेत. हा अपघात सोलापूर शहरातील महावीर चौकात रविवारी मध्यरात्री दीडच्या सुमारास घडली.
इरण्णा मठपती वय २४, निखिल कोळी वय २४ व आतिश सोमवंशी वय २२ असे मरण पावलेल्या तिघा युवकांची नावे असल्याची माहिती मिळाली. हे सर्व जुळे सोलापूर भागात राहत असल्याची माहिती समोर आली आहे.
तिघे मित्र होते, ते मध्यरात्री दीडच्या सुमारास पल्सर गाडी वरून घरी जात होते, महावीर चौकात आले असता, त्यांची गाडी झाडाला आदळली त्या भीषण अपघातात तिघे गाडी वरून लांब उडून पडले, त्यांच्या डोक्याला जबर जखम होऊन ते जागेवरच ठार झाले. सध्या त्या तिघांचे मृतदेह शासकीय रुग्णालयात असून नातेवाईकांची प्रचंड गर्दी झाली असून शोक अनावर झाल्याचे चित्र आहे.
