खासदार ज्योती वाघमारे यांची ‘ सिंहासन’ला भेट ; कौटुंबिक सोहळ्याने ताई भारावल्या!
सोलापूर : शिवसेना शिंदे गटाच्या राज्यसभा खासदार प्राध्यापिका ज्योती वाघमारे यांनी सोलापूरचे लोकप्रिय चॅनल सिंहासनच्या कार्यालयाला सदिच्छा भेट दिली. यावेळी कौटुंबिक आदरातिथ्य पाहून त्या अक्षरश: भारावून गेल्या.
नुकत्याच त्यांनी राज्यसभेत आपल्या खासदारकीची शपथ घेतली. हा शपथविधी पाहताना संपूर्ण महाराष्ट्राला अभिमान वाटला. या शपथविधीनंतर त्या प्रथमच सोलापूर दौऱ्यावर आल्या होत्या. त्यांनी सिंहासन कार्यालय सदिच्छा भेटीचे निमंत्रण स्वीकारले. सोमवारच्या अतिव्यस्थ दौऱ्यातून त्यांनी वेळ काढून सिंहासन कार्यालयाला भेट दिली. सुरुवातीला सुरते क्लासेसच्या विद्यार्थ्यांनी त्यांचे स्वागत केले या विद्यार्थ्यांसोबत फोटो काढण्याचा मोह त्यांना आवरला नाही.
नंतर संपादक प्रशांत कटारे यांच्या परिवाराच्या वतीने मराठमोळ्या पद्धतीने औक्षण करून त्यांचे स्वागत करण्यात आले.
त्यानंतर सोलापूरी चादर अन् नॅपकिन बुके देऊन त्यांचा सत्कार करण्यात आला. सोलापूर चादरीचा लौकिक नक्कीच दिल्लीत वाढवणार असेही त्या म्हणाल्या.
यावेळी उपस्थितांचे निवेदन त्यांनी स्वीकारली. त्यामध्ये परशुराम गजाकोश यांनी दोन नंबर एसटी स्टँड अद्ययावत करण्याच्या मागणीचे निवेदन दिले. अनेकजण वैयक्तिक विषय घेऊन येतात पण नागरिकांचा प्रश्न घेऊन आलेल्या निवेदनाचे त्यांनी कौतुक केले.
राज्यसभेत 50 टक्के महिला आरक्षणाचे विधेयक मंजूर करूनच आता सोलापुरात येते असा विश्वास त्यांनी व्यक्त केला.
यावेळी नगरसेवक प्रियदर्शन साठे, शुभदा बचतगटाच्या प्रमुख स्वाती पाटील, मानवता विकास संस्थेचे अध्यक्ष श्रीशैल रणधीरे, मुख्याध्यापक अनिल दीक्षित, सामाजिक कार्यकर्ते गुरुशांत मोकाशी, मिलिंद ठोंबरे, पांडुरंग सुरते, नीता सुरते, मनिषा कटारे, शशिकांत कटारे, पत्रकार रामकृष्ण लांबतुरे, विकास बनसोडे, किरण गायकवाड, मारुती कांबळे, बनसोडे सर यांच्यासह इतर मान्यवर उपस्थित होते.
