पंतप्रधान नरेंद्र मोदींच्या सभेसाठी हे दोन रस्ते राहणार बंद ; सुरक्षेसाठी पोलिसांची खबरदारी
भारतीय जनता पार्टी महायुतीचे उमेदवार आमदार राम सातपुते यांच्या प्रचारार्थ देशाचे पंतप्रधान नरेंद्र मोदी यांची सोलापूर शहरातील होम मैदान वर सोमवारी सभा होणार आहे त्या पार्श्वभूमीवर पंतप्रधानांच्या सुरक्षेतेसाठी पोलिसांनी खबरदारी घेतली आहे.
दिनांक २९/०४/२०२४ रोजी होम मैदान, सोलापूर याठिकाणी नरेंद्र मोदी, पंतप्रधान भारत सरकार यांची सभा होणार आहे. पंतप्रधान मोदी यांचे सुरक्षिततेच्या कारणांस्तव होम मैदान परिसरातील खालील नमुद रस्ते सर्व प्रकारच्या वाहनांकरीता सभा संपेपर्यंत बंद राहतील अथवा वळविण्यात येणार आहेत.
रंग भवन चौक ते डफरिन चौक व डॉ. बाबासाहेब आंबेडकर चौक ते मार्केट पोलीस चौकी पर्यंत सकाळी ०८.०० वा ते सभा संपेपर्यंत सर्व प्रकारच्या वाहनांना वाहतूकीस पुर्णपणे बंद राहणार आहे.
नरेंद्र मोदी, पंतप्रधान भारत सरकार यांचे सुरक्षिततेच्या कारणांस्तव विमान तळ – आसरा चौक महिला हॉस्पीटल महावीर चौक आर.डी.सी. कार्नर – सात रस्ता – वोडाफोन गॅलरी रंगभवन ते होम मैदान या मार्गावरील वाहतूक व या रस्त्याला जोडणारे रस्ते दिनांक २९/०४/२०२४ रोजी दुपारी १३.३० वाजले पासून काही काळासाठी बंद करण्यात येणार आहे. कृपया नागरिकांना आपली गैर सोय टाळण्यासाठी या मार्गावर येणे थांबावे अथवा अन्य मार्गाचा वापर करुन सहकार्य करावे.
