राष्ट्रवादी ओबीसी विभागाच्या प्रदेश सरचिटणीसपदी डाॅ.बसवराज बगले
मुंबई – महाराष्ट्र प्रदेश राष्ट्रवादी काँग्रेस पार्टी ओबीसी विभागाच्या सरचिटणीसपदी दक्षिण सोलापूरचे माजी तालुकाध्यक्ष डाॅ.बसवराज बगले यांची नियुक्ती करण्यात आली.राष्ट्रवादीचे प्रदेशाध्यक्ष खा.सुनिल तटकरे यांच्या हस्ते त्यांना नियुक्ती पत्र प्रदान करण्यात आले.
राष्ट्रवादीचे राष्ट्रीय अध्यक्ष तथा उपमुख्यमंत्री अजितदादा पवार यांच्या आदेशानुसार आणि प्रदेशाध्यक्ष खा.सुनिल तटकरे यांच्या मान्यतेने ओबीसी विभागाचे प्रांतिक अध्यक्ष कल्याणराव आखाडे यांनी डाॅ.बगले यांची नियुक्ती केली.याप्रसंगी प्रदेश सरचिटणीस तथा कोषाध्यक्ष शिवाजीराव गर्जे,माजी खासदार तथा प्रवक्ते आनंद परांजपे,आमदार विक्रम पंडीत, युवक विभागाचे प्रदेशाध्यक्ष सूरज चव्हाण,कार्यालयीन प्रदेश सरचिटणीस लतीफ भाई तांबोळी,सामाजिक न्याय विभागाचे प्रदेशाध्यक्ष सुनिल मगरे सर आदि मान्यवर यावेळी उपस्थित होते.
मुंबई येथील राष्ट्रवादीच्या प्रदेश कार्यालयात झालेल्या नियुक्ती प्रसंगी सोलापूर शहर जिल्ह्यात प्रभावीपणे पक्षसंघटनेत काम करून डाॅ.बसवराज बगले यांनी आपली ओळख निर्माण केली आहे.त्यांच्या संघटनात्मक कार्याचा राष्ट्रवादीतील सर्व ओबीसी घटकांना निश्चितच फायदा होईल अशा शब्दात सरचिटणीस तांबोळी यांनी परिचय करून दिला.
पक्षाची ध्येय धोरणे आणि राष्ट्रवादीचे प्रतिबिंब जनमानसात रुजविण्यासाठी आपण काम करण्यास कटिबद्ध असल्याची ग्वाही याप्रसंगी डाॅ.बगले यांनी दिली.पक्षाचे प्रदेशाध्यक्ष खा.तटकरे यांनी याप्रसंगी नियुक्तीपत्र प्रदान करून अभिनंदन केले.
डाॅ.बसवराज बगले यांच्या निवडीबद्दल ज्येष्ठ नेते माजी आमदार राजन पाटील,आमदार संजय मामा शिंदे,पक्षाचे समन्वय,आमदार यशवंत माने,राष्ट्रवादीचे सोलापूर जिल्हाध्यक्ष तथा माजी आमदार दिपक आबा साळुंखे – पाटील, सोलापूर शहर अध्यक्ष संतोषभाऊ पवार, दक्षिण सोलापूर तालुका अध्यक्ष सुभाष पाटील यांच्यासह अनेक मान्यवरांनी अभिनंदन केले.
