आमदार विजयकुमार देशमुख यांच्या पदयात्रेस उस्फुर्त प्रतिसाद
248 सोलापूर शहर उत्तर भारतीय जनता पार्टी शिवसेना,राष्ट्रवादी, आरपीआय, रयत क्रांती संघटना महायुतीचे अधिकृत उमेदवार आमदार विजय देशमुख यांच्या प्रचारार्थ प्रभाग क्रमांक दोन जुना बोरामणी नाका येथे मंगळवारी सकाळी पदयात्रेचे आयोजन करण्यात आले होते.
या पदयात्रेस महिलांचा उत्स्फूर्त असा प्रतिसाद लाभला. आमदार विजय देशमुख साहेब आगे बढो, हम तुम्हारे साथ है, भारतीय जनता पार्टीचा विजय असो, वच्छा रे वच्छा कमळ वच्छा अशा घोषणांनी परिसर दुमदुमून गेला होता.
प्रभाग क्रमांक दोन जुना बोरामणी नाका येथील मातंग समाजाच्या देवीची पूजा करून या पदयात्रेस सुरुवात झाली जोशी गल्ली, वडर गल्ली, सातपुते वस्ती, चिराग भवन येथे या पदयात्रेचा समारोप करण्यात आला.
पदयात्रेत ठिकठिकाणी फुलांची उधळण, फटाक्यांची आतिषबाजी करत नागरिकांनी आमदार विजय देशमुख यांचे औक्षण करत त्यांना विजयासाठी शुभेच्छा दिल्या.
यावेळी पदयात्रेत भारतीय जनता पार्टीचे सरचिटणीस प्रा नारायण बनसोडे, किरण देशमुख, माजी नगरसेविका शालन शिंदे, हरिकांत नाना सरवदे, कल्पना कारभारी ज्ञानेश्वर कारभारी शंकर शिंदे प्रवीण कांबळे बाबुराव जमादार, सोमनाथ रगबल्ले,विरेश उबंरजे, बसवराज इटकळे, बिपिन धुम्मा, राजकुमार माने भाजप अल्पसंख्यांक आघाडीचे शहराध्यक्ष जाकिर सगरी, राहुल घोडके यांच्यासह नागरिक मोठ्या संख्येने उपस्थित होते.
