चंद्रकांत पाटलांनी दिला महेश कोठे यांच्या आठवणींना उजाळा ; राधाश्री निवासस्थानी सदिच्छा भेट
राज्याचे उच्च व तंत्र शिक्षण मंत्री चंद्रकांत पाटील यांनी शनिवारी सोलापूर दौऱ्यावर असताना कोठे यांच्या राधाश्री निवासस्थानी सदिच्छा भेट दिली .
या भेटीप्रसंगी विविध विषयांवर त्यांनी चर्चा केली तसेच आमदार देवेंद्र कोठे यांचे काका स्व. महेश अण्णा कोठे यांच्याशी असलेल्या ऋणानुबंधाला चंद्रकांत दादांनी उजाळा दिला. प्रयागराज येथे झालेल्या महेश अण्णांच्या निधनाविषयी सविस्तर माहिती जाणून घेतली. यापुढेही कोठे परिवाराशी असलेले ऋणानुबंध जपले जातील असा शब्द चंद्रकांत पाटील यांनी दिला.
याप्रसंगी भाजपा शहराध्यक्ष रोहिणी तडवळकर, माजी महापौर श्रीकांचना यन्नम, मोहन डांगरे, अविनाश महागावकर, बंधू डॉ. सूर्यप्रकाश कोठे, माजी नगरसेवक आणि स्व. महेश अण्णांचे चिरंजीव प्रथमेश कोठे, माजी स्थायी समिती सभापती विनायक कोंड्याल, माजी नगरसेवक शशिकांत कैंची, माजी नगरसेवक गुरुशांत धुत्तरगांवकर, मध्य मंडल अध्यक्ष नागेश सरगम, अक्षय अंजिखाने, संतोष सोमा, आप्पा आंदेवाडी, अंबादास चाबुकस्वार, सागर भोसले, वासुदेव इप्पलपल्ली, रियाज मोमीन, हणुमंत रकटे, सिध्देश्वर कमटम, गणेश साळुंके, शैलेश कडदास, धनराज दुडम, अश्विन कोडम, अमन दुबास आणि कोठे परिवारातील सदस्य उपस्थित होते.
