जल्लोष ! महेश कोठेंच्या नावाची अधिकृत घोषणा ; भाजपच्या ‘शहर उत्तर’मध्ये तुतारी जोरात वाजली
सोलापूर : सलग तीन विधानसभा निवडणूक लढवणाऱ्या माजी महापौर महेश कोठे यांना शरदचंद्र पवार राष्ट्रवादी काँग्रेस कडून शहर उत्तर या मतदारसंघातून उमेदवारी जाहीर झाली आहे. ए बी फॉर्म घेऊनच कोठे आले.
शरदचंद्र पवार राष्ट्रवादी काँग्रेसची विधानसभा निवडणुकीसाठी ची पहिली यादी जाहीर करण्यात आली त्यामध्ये अपेक्षेप्रमाणे महेश कोठे यांना उतरची उमेदवारी मिळाली आहे. ही घोषणा होताच महेश कोठे यांच्या कार्यालयासमोर कार्यकर्त्यांनी प्रचंड जल्लोष केला. शहर उत्तर मध्ये पवार साहेबांची तुतारी जोर जोरात वाजली.
आता शहर उत्तर चे चित्र जवळजवळ स्पष्ट झाले आहे विद्यमान आमदार विजयकुमार देशमुख आणि त्यांचे पारंपारिक विरोधक महेश कोठे आणि माजी महापौर शोभा बनशेट्टी यांच्यात आता सामना पाहायला मिळणार आहे. 2009 च्या विधानसभा निवडणुकीत या दोन नेत्यांमध्ये लढत झाली होती. विजयकुमार देशमुख यांचा त्यावेळेस निसटता विजय झाला होता.
राष्ट्रवादी काँग्रेसच्या माजी महापौर मनोहर सपाटे यांनी बंडखोरी केल्याने महेश कोठे यांचा पराभव झाला. आता सुद्धा इच्छुक असणारे सपाटे काय निर्णय घेतात याकडे लक्ष असून शरद पवार यांनी उमेदवारी दिल्याने त्यांच्या निर्णयाच्या विरोधात जाण्याची डेरिंग सपाटे करणार नाहीत असे बोलले जात आहे.
