सोलापुरातून फलटणची विवाहिता बेपत्ता ; आयटीआयला परीक्षा द्यायला आली अन्…….
सातारा जिल्ह्यातून सोलापूरला परीक्षेसाठी आलेली एक विवाहित महिला तिच्या मैत्रिणीच्या घरातून अचानक बेपत्ता झाल्याची धक्कादायक घटना घडली आहे. श्रुती (वय 22 रा. गिरवे ता. फलटण) असे बेपत्ता झालेल्या विवाहितेचे नाव आहे. याप्रकरणी शुभम संताजी कदम यांच्या फिर्यादीवरून सोलापूरच्या सदर बझार पोलिस ठाण्यात बेपत्ता झाल्याची नोंद करण्यात आली आहे.
मिळालेल्या माहितीनुसार, बेपत्ता श्रुती हिची सोलापूरमधील डफरीन चौक येथील आयटीआय (ITI) केंद्रावर परीक्षा होती. परीक्षेसाठी 5 जुलै 2026 रोजी पतीच तिला सोलापूरला घेऊन आला होता. सात रस्ता, मुन्सिपल कॉलनी येथे राहणारी तिच्या मैत्रीणच्या घरी सोडून पती परत गेला होता.
पती मैत्रिणीच्या घरी सोडून गेल्यानंतर, श्रुती परीक्षा न देताच घरातून अचानक कुठेतरी निघून गेली. ती बेपत्ता झाल्याचे समजताच पतीने सोलापूर शहरातील कंबर तलाव, नाना-नानी पार्क, सिद्धेश्वर मंदिर परिसर आणि मध्यवर्ती एसटी बस स्थानक (एसटी स्टँड) या सर्व संभाव्य भागात तिचा कसून शोध घेतला. मात्र, ती कुठेही आढळून आली नाही. अखेर पतीने सदर बझार पोलिस ठाण्यात धाव घेऊन श्रुती बेपत्ता झाल्याची तक्रार दाखल केली.
