वाल्मीक कराडच्या मुलाला सोलापुरात दिलासा ; जिल्हा न्यायालयात….
सोलापूरः वाल्मिक कराड यांचा मुलगा सुशिल कराड यांचे नावे असलेली फर्म सान्वी ट्रेडर्स व त्यांचे पत्नीचे नावे असलेली फर्म अन्वी इंटरप्राइझेस या फर्ममध्ये फिर्यादी महिलेचा पती मॅनेजर पदावर कामास होता. त्याने सन २०२०-२०२१ २०२१-२०२२ २०२२-२०२३ या आर्थीक वर्षामध्ये व्यापा-याकडील होणारी वसुली स्वतःच्या व यातील फिर्यादी पत्नीचे नावे वळती करून घेवून रक्कम रु. १ कोटी ८लाख रूपयांचा अपहार केल्याचा सुशिल कराड यांनी दि. १९ जुलै २०२४ रोजी परळी शहर पोलिस स्टेशन येथे दाखल केली आहे. तेंव्हापासून आजतागायत फिर्यादी व तिचा पती फरार आहेत. त्यांनी न्यायालयातुन जामिन ही घेतलेला नाही अथवा पोलिसांना सहकार्य करण्यासाठी हजर ही झालेले नाहीत असे असताना प्रस्तुत प्रकरणातील फिर्यादी महिलेने जबरदस्तीने गाडया, सोने व प्लाँट जागा खरेदीखतान्वे लिहून घेतल्याचा तक्रारी अर्ज एम आय डी सी पोलिस स्टेशन सोलापूर येथे दाखल केलेला होता.
परंतु घडलेल्या घटना या परळी शहरातील असलेने पोलिसांनी तिकडे तक्रार दाखल करण्याचे समजपत्र फिर्यादीस दिलेले होते. त्यानंतर फिर्यादी महिलेने पोलिस महासंचालकाकडे तक्रार दाखल केली त्याचा तपास परळी,बीड पोलिसांनी केला.त्यामध्ये साक्षीदारांचे जबाब नोंदवून व पुरावा गोळा केल्यानंतर फिर्यादी महिलेचे तकारीत तथ्य नसलेचे व तिने अपहाराच्या गुन्हयास शह देण्यासाठी तक्रार केल्याचे निरीक्षण नोंदवून पोलिसांनी गुन्हा घडला नसल्याचा अहवाल दिला. त्यामुळे फिर्यादी महिलेने सोलापूर येथील न्यायालयात खाजगी फिर्याद दाखल केलेली होती.
सदर प्रकरणात न्यायालयाने पोलिसांकडून संपूर्ण अहवालाची गरज व्यक्त करून एम.आय.डि.सी.पोलीस स्टेशन, सोलापूर यांना तपास करून आठ दिवसांत त्यांचा अहवाल मे.कोर्टात सादर करण्याचा आदेश पारित केला होता.
त्याप्रमाणे पोलिसांनी तपास करून फिर्यादी महिलेचे गाड्या, सोने व प्लाँटजागा हे आरोपींनी जबरदस्तीने काढून घेतल्याची कथित घटना तसेच फिर्यादीचे अल्पवयीन मुलीचा विनयभंग केल्याची कथित घटना ही परळी, बीड येथे घडल्याने एम.आय.डि.सी.पोलिसांना या घटनेचा तपास करण्याचा अधिकार नसल्याने फिर्यादीचा तक्रारी अर्ज निकाली काढल्याचा अहवाल मे.कोर्टात दाखल केला होता.
यात सुशील कराड तर्फे अँड. संतोष न्हावकर यांनी लेखी म्हणणे दाखल केले होते व त्यासोबत बीड पोलिसांनी केलेल्या तपासाची कागदपत्रे दाखल केली होती व आरोपीतर्फे मुद्दे मांडताना पोलिसांनी दाखल केलेल्या तपासी अहवालासोबत फिर्यादीचा घेतलेल्या जबाब दाखल केला असून त्यामध्ये फिर्यादीने पोक्सोच्या घटनेबाबत व सोलापूर मध्ये घडलेल्या कथीत घटनेचा उल्लेख केला नसल्याने या न्यायालयाचे अधिकारक्षेत्रात प्रस्तुत गुन्हा येत नाही असे मे. कोर्टाचे निदर्शनास आणून दिले होते .
सदर मुद्दे ग्राह्य माणून अतिरिक्त सत्र न्यायाधीश श्री.जे.जे.मोहिते यांनी फिर्यादीची खाजगी फिर्याद फेटाळून लावली व तिने योग्य अधिकारक्षेत्रात दाद मागावी असे आदेश दिले. यात आरोपीतर्फे अँड.संतोष न्हावकर,अँड.राहुल रुपनर,अँड.शैलेश पोटफोडे यांनी तर फिर्यादीतर्फे अँड.विनोद सुर्यवंशी यांनी काम पाहिले.
