सोलापूर महापालिकेच्या कर्मचाऱ्यांना लवकरच खुशखबर ! आनंद चंदनशिवेंचा अजित पवार व देवेंद्र फडणवीसांकडे पाठपुरावा
सोलापूर : सोलापूर महानगरपालिकेच्या रोजंदारी आणि बदली कर्मचाऱ्यांसाठी लवकरच खुशखबर मिळणार असून माजी गटनेते आनंद चंदनशिवे यांनी राज्याचे उपमुख्यमंत्री देवेंद्र फडणवीस आणि दुसरे उपमुख्यमंत्री अजित पवार यांची भेट घेऊन यशस्वी पाठपुरावा केल्याचे समजले आहे.
आनंद चंदनशिवे हे आपले सहकारी माजी नगरसेवक गणेश पुजारी यांच्यासह सोमवारी सकाळी अजित पवार आणि देवेंद्र फडणवीस यांची मुंबईमध्ये भेट घेऊन त्यांना महानगरपालिकेचा अतिशय महत्त्वाचा आणि कर्मचाऱ्यांच्या जिव्हाळ्याचा प्रश्न सांगितला यानंतर तेथे एक दोन दिवसात आचारसंहितेच्यापूर्वी हा निर्णय होईल असे आश्वासन मिळाल्याचे त्यांनी सांगितले.
चंदनशिवे यांनी दिलेल्या निवेदनात सोलापूर महानगरपालिका मधील सन 1995 नंतर सेवेत कार्यरत असलेल्या 249 रोजंदारी व बदली कामगारांना सेवेत कायम करण्याच्या
सोलापुर महानगरपालिकेमध्ये सुमारे गेल्या 25 ते 30 वर्षापासुन रोजंदारी व बदली या पदावर 249 कामगार काम करीत आहेत. या कामगारांना अद्याप सेवेत कायम करण्यात आलेले नाही. सदरह कामगारांना सेवेत कायम करण्यासाठी सोलापूर महानगरपालिकेने दि. 31/05/2022 रोजी नगर विकास विभागाकडे प्रस्ताव पाठविलेला आहे. या प्रस्तावास 16 महिने झालेले असुन या प्रस्तावावर आज पर्यंत कसलाही विचार झालेला नाही. त्यामुळे कामगारांवर हा एक प्रकारे फार मोठा अन्याय झालेला आहे. तरी या प्रस्तावास आपणाकडुन मान्यता देऊन सदर सेवकांना सो.म.पा. सेवेमध्ये कायम करणेबाबत आदेश करावे तसे मागणी केली.
या विषयाचा पाठपुरावा करण्यासाठी चंदनशिवे हे माजी पालकमंत्री तथा आमदार विजयकुमार देशमुख तसेच शिवसेनेचे जिल्हाप्रमुख मनीष काळजे यांच्या सहकार्याने हा पाठपुरावा करीत आहे.
