छगन भुजबळ, लक्ष्मण हाके खबरदार… जरांगे पाटलांबद्दल अपशब्द काढाल तर……!
मराठ्यांच्या गळ्यातील ताईत मराठा हृदय सम्राट संघर्ष योद्धा मनोज जरांगे पाटील यांच्या बद्दल राष्ट्रवादी काँग्रेस पक्षाचे मंत्री छगन भुजबळ व शिवसेना ठाकरे गट पक्षाचे प्रवक्ते लक्ष्मण हाके यांनी मागील दोन दिवसापासून मनोज जरांगे पाटील यांच्या बद्दल सर्व टीव्ही चॅनेल्स व वृत्तपत्रामधून ज्या प्रकारे अवमानकारक भाषा वापरली आहे त्यांचा तीव्र शब्दात धिक्कार व्यक्त करतो.
मराठ्यांना ओबीसी मधून आरक्षण असताना सुद्धा मागील कित्येक वर्षापासून हा अन्याय मराठा समाज सहन करत आला आहे. 43 वर्षाच्या लढ्याला आत्ता कुठे यश येताना दिसत असताना विघ्न संतोषी छगन भुजबळ व लक्ष्मण हाके हे मनोज जरांगे पाटील यांच्या बद्दल एकेरी भाषा वापरत आहेत.
लोकशाही प्रक्रियेमध्ये न्याय व हक्कासाठी लोकशाही मार्गाने लढत असताना मनोज जरांगे पाटलांना अशाप्रकारे बदनाम करणे हे राष्ट्रवादी काँग्रेस पार्टी अजित पवार गट व शिवसेना उद्धव ठाकरे गट यांना परवडणारे नाही याची तमाम पक्षातील वरिष्ठ नेत्यांनी व कार्यकर्त्यांनी त्वरित दखल घ्यावी अन्यथा येणाऱ्या निवडणुकीत तुमच्या पक्षाची लायकी दाखवल्याशिवाय मराठा समाजातील समस्त मराठा बांधव शांत बसणार नाही. खास करून या दोन्ही पक्षात काम करणाऱ्या मराठा समाजातील नेते व कार्यकर्त्यांनी याची दखल घ्यावी ही बाब वरिष्ठांच्या निदर्शनास आणावी. आत्ता प्रत्येक मराठा समाजाचा घराघरात प्रथम मनोज जरांगे पाटील हे नेते असून त्यानंतरच राजकीय नेत्यांचा नंबर लागत आहे हे ध्यानात घ्यावे.
तूर्तास इतकेच…..!
आपला
माऊली पवार
सकल मराठा समाज सोलापूर शहर व जिल्हा
