भारतीय जनता पार्टीचे महाराष्ट्र प्रदेशाध्यक्ष चंद्रशेखर बावनकुळे यांच्या हस्ते चित्रपट लेखक दिग्दर्शक अमोल लहांडे यांना महाराष्ट्र चित्रपट कामगार आघाडी जिल्हाप्रमुख सोलापूर पद प्रदान करण्यात आले.
गेली जवळपास अकरा वर्षे हिंदी आणि मराठी चित्रपट सृष्टीत लेखक दिग्दर्शक म्हणून काम करीत असलेल्या आणि सोलापूरचे सुपुत्र असलेल्या अमोल लहांडे यांना भारतीय जनता पार्टी पक्षाच्या चित्रपट कामगार आघाडीच्या जिल्हाप्रमुख पदी नियुक्त करण्यात आले. यामध्ये त्यांनी दिलेल्या महत्त्वपूर्ण योगदाना बद्दल त्यांचे सर्वच स्तरातून कौतुक होत असल्याने सोलापूर जिल्ह्यातील चित्रपट क्षेत्रात कार्य करत असलेल्या अनेक कलाकारांच्या अडचणी व त्यांना हवे असलेल्या सर्व प्रकारच्या कामांसाठी एक हक्काचं व्यासपीठ तयार व्हावं यासाठी त्यांचे प्रयत्न असणार आहेत त्यांच्या भावी कारकिर्दीसाठी अनेक सोलापूरकरांनी आणि भारतीय जनता पार्टीच्या नेते मंडळींनी त्यांना शुभेच्छा दिल्या.
या कार्यक्रमाला महाराष्ट्र भारतीय जनता पार्टी प्रदेशाध्यक्ष चंद्रशेखर बावनकुळे, लोकसभा समन्वयक अमर साबळे सोलापूर जिल्हा अध्यक्ष आणि अक्कलकोट चे आमदार सचिन कल्याणशेट्टी, महाराष्ट्र ओबीसी प्रदेश उपाध्यक्ष व भारतीय जनता पार्टीचे सुरेश पाटील, शहराध्यक्ष नरेंद्र काळे यांच्याबरोबरच चित्रपट दिग्दर्शक अमोल लहांडे यांच्याबरोबर चित्रपट वितरक विजय कोंका समाजसेवक अभय तारे कॅमेरामन राजेश वडीशेरला अभिनेते सुमित शिखरे
शंकर बोडा यांची प्रमुख उपस्थिती होती. सोलापूर जिल्ह्यातील चित्रपट क्षेत्रातील सर्वच लोकांनी त्यांचे अभिनंदन केले.
