सोलापूर : आत्महत्या करण्यास प्रवृत्त दोन आरोपी निर्दोष मुक्तता करण्यात आली असून सोलापूर येथील जिल्हा व सत्र न्यायाधीश व्ही.एच.पाटवदकर यांनी दिनांक 23 मार्च 2023 रोजी आरोपी नरेंद्र गंगीशेट्टी राहणार नवीन गोदूताई परुळेकर विडी घरकुल व शामसुंदर आडम राहणार गोदूताई परुळेकर विडी घरकुल या दोन्ही आरोपींची निर्दोष मुक्तता करण्यात आलेली आहे.
यामध्ये सरकार पक्षाच्या वतीने एकूण आठ साक्षीदार यांची तपास करण्यात आली.सदर चौकशीच्या वेळी साक्षीदारांची विसंगती व सबळ पुराव्यांचा अभाव असल्याचा इतिहास आरोपी यांच्या वकील मार्फत युक्तिवाद करण्यात आले व सदर व्यक्तीवाद ग्राह्य धरून आरोपींची निर्दोष मुक्तता करण्यात आली.
त्यातील हकीकत अशी की आरोपी यांच्या भावाचा फोटो गोदूताई घरकुल चौकात मयत याने लावल्याने व त्या फोटोमध्ये त्या फोटोवरील मुलगा हा चोर आहे असे मजकूरबलिहिलेले होते. सदर बाबतीत आरोपी हे फिर्यादी यांना विचारणा केली व बदनामीमुळे पैसे मागितले या कारणावरून मयताने आत्महत्या केली. म्हणून या आरोपींना घरकुल पोलीस चौकीच्या पोलिसांमार्फत अटक करण्यात आली होती.
सदर गुन्ह्यात आरोपींवर भारतीय दंड विधान संहितानुसार 305,306,34 कलम लावण्यात आले होते. सदर या गुन्ह्याचे तपास करून मेहरबान कोर्टात दाखल करण्यात आले होतेव त्यावेळी या बाबतीत सखोल चौकशी करून आरोपींची पुराव्या अभावी निर्दोष मुक्तता करण्यात आली आहे असा निकाल न्यायाधीश व्ही.एच.पाटवदकर यांनी दिला. यामध्ये सरकार पक्षाचे तर्फे अँडव्होकेट दत्तूसिंग पवार यांनी तर आरोपीच्या वतीने अँड. मोहन कुरापाटी व त्यांचे सहकारी अँड. अनिल वासम यांनी काम पाहिले.
