सोलापूर : विश्वभुषण डॉक्टर बाबासाहेब आंबेडकर यांच्या 131 व्या जयंती निमित्त भारतरत्न डॉ बाबासाहेब आंबेडकर जयंती मध्यवर्ती उत्सव व विश्वस्त समितीची नियोजन बैठक गुरुवारी डॉक्टर आंबेडकर मेमोरियल हायस्कूलच्या मैदानावर पार पडली. या बैठकीत जयंती उत्सव समितीच्या अध्यक्षपदी शिवम सोनकांबळे यांची निवड करण्यात आली, तसेच त्याचबरोबर सरचिटणीस अंकुश मडीखांबे, खजिनदार रवींद्र कदम, ऑडीटर प्रवीण कांबळे, कार्याध्यक्ष वैशाली उबाळे यांच्या निवडी झाल्या आहेत.
सोलापूर शहरात दहा दिवसाचा डॉक्टर बाबासाहेब आंबेडकर जयंती उत्सव करण्याचा निर्णय घेण्यात आला. 13 एप्रिल रोजी रात्री बारा वाजता महामानव डॉक्टर आंबेडकर यांच्या प्रतिमेची प्रतिष्ठापना होईल त्यानंतर 23 एप्रिल रविवार रोजी भीम जयंतीची मिरवणूक काढण्याचा निर्णय झाल्याची माहिती राजाभाऊ सरवदे यांनी दिली. सुभानजी बनसोडे, राहुल सरवदे राजा इंगळे रवी गायकवाड एडवोकेट संजीव सदाफुले सुबोध वाघमोडे, अजित गायकवाड, प्रवीण निकाळजे, सुशील सरवदे, शशी कांबळे, राजा कदम, अंजना गायकवाड यांच्यासह भीमसैनिक मोठ्या संख्येने उपस्थित होते.
संपूर्ण देशात डॉ बाबासाहेब आंबेडकर यांची जयंती एक नंबरची साजरी होते, तीच परंपरा यापूर्वीच्या मान्यवरांनी आणि आम्ही जपली आहे. आता विश्वस्त समितीचे सदस्य आता ज्येष्ठ झाले आहेत, जयंतीची धुरा ही युवकांवर देणार आहोत असे सांगत इतर समाजाला आदर्श वाटेल अशी जयंती साजरी करा कोणतीही हुल्लडबाजी करू नये अशा सूचना देत 2023 सालची जयंती ही दहा दिवसाची असेल अशी घोषणा केली.
