लक्ष्मण ढोबळे ‘हिंदू दलित’ शब्दावरून सापडले पत्रकारांच्या तावडीत ; सुटण्यासाठी सावरा सावर ; मला सोलापूर लोकसभेची उमेदवारी द्या

लक्ष्मण ढोबळे ‘हिंदू दलित’ शब्दावरून सापडले पत्रकारांच्या तावडीत ; सुटण्यासाठी सावरा सावर ; मला सोलापूर लोकसभेची उमेदवारी द्या

सोलापूर : देशामध्ये दलित या शब्दावर बंदी असताना माजी मंत्री तथा भाजपातील ज्येष्ठ नेते लक्ष्मण ढोबळे यांनी हिंदू दलित ही नवीन व्याख्या काढली असून या व्याख्येची फोड करताना ढोबळे म्हणाले हिंदू दलित या व्याख्येत महार जातीचा समावेश होत नाही. महार समाज अल्पसंख्यांक असून हिंदू दलितांमध्ये मातंग ही सर्वात मोठी जात असल्याचा दावा ढोबळे यांनी केला आणि सोलापूर लोकसभा राखीव मतदारसंघातून हिंदू दलित या व्याख्या खाली मला उमेदवारी द्यावी अशी मागणी केली. हिंदू दलित या नव्याच शब्दावरून लक्ष्मण ढोबळे पत्रकारांच्या तावडीत चांगले सापडले यावेळी सुटण्यासाठी त्यांची चांगलीच दमछाक झाली.

दरम्यान 2014 साली गावांच्या पाणी प्रश्नावर भाष्य करताना ढोबळे यांनी भारतीय जनता पार्टीला निशाणा साधत म्हणाले होते की भाजपा संतांचा मुखवटा असलेला पक्ष आहे, भाजपची जीभ विषारी सापाची आहे असा आरोप त्यांनी त्यावेळी केला होता त्यावर पत्रकारांनी विचारले असता त्या पक्षांमध्ये केलेला आरोप होता असे म्हणून स्वतःला सावरण्याचा प्रयत्न केला. पहा यावेळी काय घडले…