सोलापूरच्या केतन वोरा यांचे 130 वे रक्तदान ; मित्र परिवाराने केले अभिनंदन !
सोलापूर : समाजात असे अनेक जण आहेत ज्यांनी स्वतःला सामाजिक कार्याला वाहून घेतल्याचे पाहायला मिळते. सोलापूर शहरात उद्योजक असूनही जे सोलापूरच्या कोणत्याही सामाजिक कार्यात कायम पाहायला मिळते, सोशल मीडियावर त्यांच्या कार्याची चर्चा असते ती व्यक्तिमत्त्व म्हणजे केतन वोरा.
कोविड काळातील दोन्ही लाटेत त्यांचं योगदान कुणीही विसरू शकणार नाही.
त्याच केतन वोरा यांनी प्रजासत्ताक दिनाच्या निमित्ताने जेव्ही ग्रुपने आयोजित केलेल्या रक्तदान शिबिरात 130 वे रक्तदान केले. यावेळी चेतन बाफना, अशोक रांका आणि इतर संचालकांसह दमाणी ब्लड बँकेचे कर्मचारी यांनी वोरा यांचे अभिनंदन केले.
