मराठा आरक्षणासाठी मुंबईला बोरामणीतून युवक रवाना
सोलापूर : मराठा आरक्षणासाठी संघर्ष योद्धा मनोज जरांगे पाटील हे मुंबईमध्ये आता लाखो मराठा समाजाच्या उपस्थितीत आंदोलनाला बसणार आहेत. त्यांनी केलेल्या आवाहनानुसार महाराष्ट्रातून लाखो मराठा बांधव आता मुंबईकडे निघाले आहेत.
जरांगे पाटील यांच्या आव्हानाला साथ देत सोलापूर जिल्ह्यातील दक्षिण सोलापूर तालुक्यातील बोरामणी या गावचे रतन शिंदे, पप्पू मस्के, योगेश भोसले, कृष्णात मस्के ऋतुराज कवडे, कमलाकर भोसले, पिंटू मस्के हे युवक मुंबईकडे रवाना झाले आहेत त्यांना बोरामणी ग्रामस्थांनी त्यांना आरक्षणासाठी शुभेच्छा दिल्या.
