27 व्या राष्ट्रीय युवा महोत्सवाच्या उद्घाटन कार्यक्रमासाठी पंतप्रधान नरेंद्र मोदी यांचे निलगिरी बाग येथील हेलिपॅडवर आगमन झाले. त्यावेळी मुख्यमंत्री एकनाथ शिंदे यांनी पंतप्रधान नरेंद्र मोदी यांचे पुष्पगुच्छ देऊन स्वागत केले.
हे पण वाचा : सोलापुरातील पोलीस निरीक्षक, उपनिरीक्षक, सहायक पोलीस निरीक्षकांच्या बदल्या
यावेळी राज्याचे उपमुख्यमंत्री देवेंद्र फडणवीस, उपमुख्यमंत्री अजित पवार यांनी देखील पुष्पगुच्छ देऊन पंतप्रधान महोदयांचे स्वागत केले. यावेळी माजी मंत्री चंद्रशेखर बावनकुळे, जिल्हाधिकारी जलज शर्मा, पोलीस आयुक्त (नाशिक शहर) संदीप कर्णिक उपस्थित होते.
यावेळी स्वागत करतानाचा अजित पवारांचा फोटो व्हायरल झाला आहे. पवारांनी जेव्हा पंतप्रधानांच्या हातात बुके दिला तेव्हा त्यांनी त्यांना वंदन केले तेव्हा मोदी यांनी एक प्रकारे हात वर करून पवारांना आशीर्वाद दिला. असच जणू काही या फोटोमधून दिसून येते. त्यामुळे हा फोटो व्हायरल झाला असून चर्चेचा विषय ठरत आहे.
