सोलापूर : सोलापूर शहरात काँग्रेस पक्षाला मोठा धक्का बसला असून पद्मशाली समाजातील काँग्रेस पक्षाचे माजी नगरसेवक तथा आमदार प्रणिती शिंदे यांचे समर्थक मेघनाथ येमुल यांनी भाजप प्रदेशाध्यक्ष चंद्रशेखर बावनकुळे यांच्या प्रमुख उपस्थितीत आपल्या असंख्य कार्यकर्त्यांचा भाजपात प्रवेश केला.
दोन सोलापूर महानगरपालिकेच्या निवडणुकीत भारतीय जनता पक्षाचे ज्येष्ठ नेते रामचंद्र जन्नु यांचा येमूल यांनी सलग दोन वेळा पराभव केला होता.
मागील सोलापूर महानगरपालिका निवडणुकीत त्यांना भाजपचे अविनाश बोमड्याल यांच्याकडून निसटता पराभव स्वीकारला लागला होता.
मागील विधानसभा निवडणुकीत पूर्व भागातील काँग्रेसचे ज्येष्ठ कार्यकर्ते माजी नगरसेवक उमेश मामड्याला यांच्याकडून काँग्रेसची पूर्व भागातील प्रचाराची धुरा काढून ती मेघनाथ यमूल यांच्यावर सोपविण्यात आली होती.
मेघनाथ यमूल यांच्या भारतीय जनता पक्षात भाजप प्रवेशामुळे पूर्व भागात भारतीय जनता पक्ष मजबूत झाल्याचे मानण्यात येत आहे.
