सोलापूर : सोलापुरात सध्या एक मॅसेज मोठ्या प्रमाणात वायरल झाला आहे तो म्हणजे शहरातील बाळीवेस परिसरात एका अकरा वर्षीय मुलीला अपहरण करण्याचा प्रयत्न झाला परंतु त्या मुलीने आपले धाडस दाखवत त्या इसमाच्या हातून आपली सुटका करून घेतली. या घटनेने खळबळ तर उडाली आहेत परंतु ही घटना त्या भागातील सीसीटीव्ही मध्ये कैद झाली आहे.
शनिवार 17 जून 2023 रोजी सकाळच्या सुमारासची घटना आहे टिळक चौकाकडून वीरभद्र मंदिरकडे जाणाऱ्या रोडवर सकाळच्या सुमारास सहसा वर्दळ नसते. त्याचाच फायदा घेऊन एक इसम त्याचा एका हाताला रुमाल बांधून दुसऱ्या हातात कोणतीतरी पावडर घेऊन जात होता. त्याचवेळेस एक अकरा वर्षे मुलगी हातात पिशवी घेऊन डाव्या बाजूने जात होती. तो इसम थोडासा वेगाने चालत तिच्या आडवा गेला तेव्हा ती मुलगी आपल्या उजव्या बाजूला गेली त्या माणसाने लगेच तिला हाताला धरून ओढले आणि एका पायरीवर जाऊन बसला तेवढ्यात त्या मुलगी त्याच्या हाताचा झटका मारून उठली आणि तातडीने ती लगेच न थांबता निघून गेली.
तेव्हा तो इसम ही पळून गेला अशी घटना सीसीटीव्हीमध्ये कैद झाली आहे. या घटनेमुळे बाळीवेस परिसरात खळबळ उडाली असून बाळीवेस परिसरात राहणारी ही मुलगी असल्याचे समजले त्या मुलीच्या धाडसाचे कौतुक होत आहे. संशयित इसमाचा फोटो ही सीसीटीव्हीत कैद झाला आहे. या घटनेनंतर मुलीच्या कुटुंबीयांनी फौजदार चावडी पोलीसात तक्रार दिल्याची माहिती मिळाली.
