कासेगाव :- देशाचे पंतप्रधान नरेंद्र मोदी यांचे धोरण हे महिला उन्नतीसाठी असून महिला सबलीकरणाचे त्यांचे कार्य निश्चितच प्रेरणादायी मोदी आहे. त्यांनी ‘बेटी पढाव, बेटी बचाव’ चा नारा दिला. आज महिला स्वाभिमानाने आणि स्वावलंबनाचे जीवन जगत असल्याचे प्रतिपादन आमदार सचिन कल्याणशेट्टी यांनी केले.
महाराष्ट्र शासन ग्रामविकास विभाग महाराष्ट्र राज्य ग्रामीण जीवनोन्नती अभियान सोलापूर, पंचायत समिती दक्षिण सोलापूर अंतर्गत तालुका अभियान व्यवस्थापक कक्ष दक्षिण सोलापूर यांच्यामार्फत यशोदीप महिला प्रभाग संघाने आयोजित केलेल्या कासेगाव येथील वार्षिक सर्वसाधारण सभेप्रसंगी ते बोलत होते.
एखाद्या संस्थेचे भविष्य हे त्या सभासदांच्या एकीवरून ठरत असते व त्यांचे काम किती चांगले आहे व संस्था किती नफ्यात आहे. हेही त्यांच्या एकीकरणावरून ठरते. त्यामुळे बोरामणी प्रभाग संघातील यशोदीप महिला प्रभाग संघाचं छोटसं रोपट हे वटवृक्षात रुपांतर झाल्याचं पाहून खूप समाधान असल्याचेही त्यांनी यावेळी सांगितले.
जिल्हा ग्रामीण विकास यंत्रणा प्रकल्प संचालक सुधीर ठोंबरे, जिल्हा अभियान व्यवस्थापक सचिन चवरे यांनी आपले मनोगत व्यक्त केले. यावेळी बचत गटाना कर्ज वाटप करण्यात आले. तालुका अभियान व्यवस्थापक पुनम कोनापुरे वार्षिक अहवालाची वाचन केले.
यावेळी राजकुमार मोरे कृषी उपसंचालक कृषी विभाग सोलापूर, दिगंबर साळुंखे एम आय एस, प्रमोद चिंचोरे आय बी सी बी, परमशेट्टी दुधनी, सरपंच यशपाल वाडकर, दिलीप चौगुले, प्रशांत जाधव सरपंच गंगेवाडी, उपसरपंच बोरामणी वैभव हलसगे, सोमनाथ गड्डू पटणे, माजी सरपंच तांदुळवाडी सिद्धाराम हेले, सदाशिव चौगुले, शिवराज जाधव मुळेगाव, दत्ता खंडागळे उळे, बक्षी हिप्परगा माजी सरपंच सिताराम राठोड, किशोर मुळे, प्रवीण चौगुले तालुका उपाध्यक्ष युवा मोर्चा, सुभाष येणगुरे, सागर खांडेकर, प्रकाश पांगरकर यांच्यासह बोरामणी जिल्हा परिषद गटातील यशोदीप महिला प्रभाग संघातील महिला मोठ्या संख्येने उपस्थित होत्या.
