सोलापूर शहर आणि जिल्ह्यात कोरोनाचा प्रादुर्भाव वाढत असल्याचे चित्र आहे दिवसेंदिवस रुग्ण वाढत असून दुसरीकडे कार्यालयांमध्ये काही केल्या गर्दी कमी होताना दिसत नाही सोलापूर जिल्हा परिषदेमध्ये ही विविध पक्षाचे कार्यकर्ते तसेच कामानिमित्त येणाऱ्या नागरिकांची मोठी गर्दी असते जिल्हा परिषदेमधील पार्किंग फुल्ल होऊन जाते, गाड्या लावायला जागा नसते त्यामुळे सर्व कार्यालयात कायम गर्दी दिसते तसेच जिल्हा परिषदेला तीन प्रवेशद्वार असल्याने विनाकारण फिरणाऱ्याची गर्दीही जास्त जास्त झाली आहे या सर्व बाबींचा विचार करता तसेच कोरोनाचा वाढत चाललेला प्रार्दुभाव लक्षात घेता जिल्हा परिषदे मधील गर्दी कमी करणे गरजेचे असल्याने मुख्य कार्यकारी अधिकारी दिलीप स्वामी यांनी सोमवारी आदेश काढले आहेत या आदेशामध्ये दिनांक 16 मार्च ते 26 मार्च या दहा दिवसात अभ्यागतांना जिल्हा परिषदेच्या मुख्यालयात प्रवेश बंदी करण्यात आली आहे जिल्हा परिषद सदस्य लोकप्रतिनिधी अधिकारी व कर्मचारी तसेच प्रसारमाध्यमांचे प्रतिनिधी यांना वगळता इतर कुणालाही जिल्हा परिषद परिसर तसेच कार्यालयात बंदी घालण्यात आली आहे ज्यांचे निवेदन अर्ज तक्रार अथवा काही मागणी असेल त्यांनी ऑनलाइन पद्धतीने जिल्हा परिषदेच्या ईमेलवर तसेच वेबसाईटवर पाठवावे असे आवाहन सीईओ स्वामी यांनी केले आहे आलेल्या अर्जावर तात्काळ कार्यवाही केली जाईल त्यासाठी सर्व नागरिकांनी सहकार्य करावे असेही स्वामी यांनी या आदेशात म्हटले आहे.
