सोलापूर : सोमवारी अभियोग्यता धारक विद्यार्थी संघटनेच्या वतीने जिल्हाधिकारी आणि जिल्हा परिषदेचे मुख्य कार्यकारी अधिकारी यांना निवेदन देऊन लक्ष वेधण्यात आले. राज्यात 55 हजार शिक्षक भरती एकाच टप्प्यात करून तात्काळ पवित्र पोर्टलला नोंदणी करावी या प्रमुख मागणीसाठी हे निवेदन होते. शासनाने लवकरात लवकर याबाबत कार्यवाही न केल्यास 17 जुलैपासून आंदोलन करण्याचा इशारा संघटनेने दिला आहे.
डीएड बीएड धारक असोसिएशनचे राज्यसचिव प्रशांत शिरगुर यांच्या नेतृत्वाखाली संघटनेने हे निवेदन दिले. संघटनेच्या मागण्यांमध्ये…
1) 55000 शिक्षक भरती एकाच टप्यात करून तात्काळ पवित्र पोटलला नोंदणी सुरू करावी.
2) स्पर्धा परीक्षा शुल्क 1000 रु वरुण कमी करून पूर्ववत करावे.
3) 75000 पद भरती करता परीक्षांचे आयोजन व तारीख जाहीर करणे.
4) परीक्षा सेंटर विभाग स्तरावर न देता स्वतःच्या जिल्हयात देण्यात यावे.
5) 2017 ची उर्वरित शिक्षक भरती तात्काळ पूर्ण करण्यात यावी. (196 संस्था, माजी सैनिकरिक्त अपात्र गैरहजर यादया)
6) सर्व प्रर्वगातील प्रचलित आरक्षणावर आधारीत जागा देण्यात याव्यात.
दरम्यान याबाबत शासनाच्या भूमिकेच्या विरोधात नाराजी व्यक्त करत येत्या 17 जुलै रोजी आंदोलन करण्याचा इशारा यावेळी देण्यात आला.
