सोलापूर जिल्ह्यात राष्ट्रवादी काँग्रेसमध्ये सध्या गटबाजीचे ग्रहण लागले आहे. याचा प्रत्यय प्रदेशाध्यक्ष जयंत पाटील यांच्या दौऱ्यामध्ये दिसून आला. मागील काही दिवसांपूर्वीच राष्ट्रवादी काँग्रेस माळशिरस तालुक्याची कार्यकारिणी तडकाफडकी बरखास्त करण्यात आली, त्यानंतर आता माळशिरस तालुका युवक अध्यक्ष पैलवान अक्षय नितीन भांड यांनी आपला अध्यक्ष पदाचा राजीनामा जिल्हाध्यक्ष गणेश पाटील यांच्याकडे दिला आहे त्यांनी जिल्हाध्यक्ष यांना दिलेल्या पत्रात राजीनामा देण्यामागील खुलासा केला आहे.
(हे ही वाचा…वा रे पोलीस प्रशासन ! पोलिसांना जयंत पाटील दिसलेच नाहीत)
“राष्ट्रीय नेते आदरणीय शरद पवार साहेब व मा.उपमुख्यमंत्री अजित दादा पवार यांच्या नेतृत्वाखाली राष्ट्रवादी काँग्रेस ची जडणघडण व बांधणी संपूर्ण राज्यात करण्याच्या दृष्टीने मी राष्ट्रवादी युवक काँग्रेस माळशिरस तालुकाध्यक्ष पदाचा राजनामा देत आहे यापुढे ही मी तालुक्यातील कार्यकर्त्यांन सोबत कायम आहेच परंतु पक्षवाढीसाठी मला राज्यातील जबाबदारी स्विकारायची आहे.येणाऱ्या जि.प.व पं.सं निवडणुका,नगरपंचायत,नगरपालि निवडणूकीत मी पक्षवाढीसाठी तन,मन,धनाने सक्रिय राहिल पक्षश्रेष्ठीं,पक्ष व पक्षनिष्ठा माझ्या साठी अंतिम आहे या काळात आपण जे सहकार्य केले त्या बद्दल मी सर्वाचा आभारी आहे”.
