सोलापूरच्या कोंडी आणि पाकणी परिसरात काही दिवसांपूर्वी बिबट्या दिसल्या तर त्याने खळबळ उडाली होती त्यामुळे परिसरातील शेतकऱ्यांमध्ये प्रचंड असे भीतीचे वातावरण निर्माण झाले आहे.
बिबट्या सदृश्य प्राण्याचे पायाचे ठसे दिसल्याने वनविभागाने सुद्धा हा विषय गंभीरतेने घेत विविध ठिकाणी कॅमेरे लावले आहेत याच पार्श्वभूमीवर शनिवारी उत्तर सोलापूर तालुक्यातील अकोलेकाटी गावातील भारत गवळी नावाच्या शेतकऱ्यावर बिबट्याने हल्ला केल्याची माहिती समोर आली.
ही बातमी सोशल मीडियावर झपाट्याने पसरली हे कळताच वन विभागाचे अधिकारी कर्मचारी व वाईल्ड लाईफ कंजर्वेशनचे सदस्य हे त्वरित अकोलेकाटी गावात गेलेत त्यांनी चौकशी केली असता अकोलेकाटी गावात बिबट्या दिसल्याची केवळ अफवा असल्याचं समोर आलं.
ज्या शेतकऱ्यावर हल्ला झाला तो शेतकरी नसून शेत मजूर आहे तो सुधाकर प्रभाकर शिरसागर यांच्या शेतामध्ये काम करतो त्याच्यावर कोणताच हल्ला झाला नाही त्याने काम चुकारपणा साठी बिबट्याने आपल्यावर हल्ला केला अशी अफवा गावांमध्ये पसरवल्याच क्षीरसागर यांनी सांगितलं.
