सोलापूर ! विकी पंडीत व्हनसेरु, वय २९ वर्षे, रा. ८५५, स्वामी विवेकानंद नगर विमानतळ जवळ, होटगी रोड, सोलापूर यांनी दिलेल्या फिर्यादीवरून राजेश निजलिंगप्पा मुंगळे, रा. अंत्रोळीकर नगर, होटगी रोड, सोलापूर यांच्या विरोधात विजापूर नाका पोलीस ठाण्यात भारतीय दंड संहिता कलम ४२०, ५०६ प्रमाणे गुन्हा दाखल करण्यात आला आहे.
याची हकिकत अशी की, आरोपी राजेश मुगळे हे सागर कन्स्ट्रक्शनचे मालक असून त्याने फिर्यादी विकी पंडीत व्हनसेरु यांच्याकडुन एनटीपीसीचे टेंडर भरणेकरीता दि. ११/०१/२०१६ रोजी आरटिजीएस व्दारे घेतलेले १२ लाख रुपये व त्यानंतर कामागाराकरीता घेतलेले रोख ३ लाख रुपये असे मिळुन एकुण- १५ लाख रुपये घेतले. मात्र जेव्हा विकी याने राजेश मुगळे यांच्याकडे पैसे परत मागितले मात्र पैसे परत दिलेच नाही उलट फिर्यादीस पैसे न देण्याची धमकी दिली या प्रकरणात आपली फसवणूक झाल्याचे लक्षात येताच विकी व्हनसेरु याने विजापूर नाका पोलीस ठाण्यात गुन्हा दाखल केला आहे, या गुन्ह्यात आरोपी राजेश मुगळे यांना अटक करण्यात आली असून न्यायालया समोर उभे केले असता पुढील तपासासाठी 4 दिवसाची पोलीस कोठडी सुनावण्यात आली आहे, या प्रकरणाचा पुढील तपास सपोनि कोल्हाळ हे करत आहेत.
राजेश मुळे हे 2019 च्या लोकसभा निवडणुकीपूर्वी भारतीय जनता पार्टी कडून खासदारकीसाठी इच्छुक होते त्यांनी तशी तयारी सुद्धा केली होती पक्षाकडे मागणी केली होती अनेक वेळा दिल्लीच्या वाऱ्या केल्या मात्र त्यांना उमेदवारी मिळाली नाही.
